Home தமிழகம் மத்திய அரசு இதனை செய்தால் ஏற்றுக்கொள்ள முடியாது- அண்ணாமலை ஆவேசம்

மத்திய அரசு இதனை செய்தால் ஏற்றுக்கொள்ள முடியாது- அண்ணாமலை ஆவேசம்

உள் ஒதுக்கீடு விஷயத்தில் பாஜக உறுதியாக உள்ளது என அண்ணாமலை தெரிவித்துள்ளார்.

கடந்த செப்டம்பர் மாதம் நடைபெற்ற நீட் தேர்வின் முடிவுகள் நேற்று வெளியானது. மருத்துவ படிப்பில் அரசு மாணவர்களுக்கான 7.5% இட ஒதுக்கீடு அமல்படுத்தப்படும் வரை முடிவுகளை வெளியிட தடை கோரி மதுரை உயர்நீதிமன்றக் கிளையில் வழக்கு தொடரப்பட்டது. அந்த வழக்கை விசாரித்த நீதிபதிகள், நீட் தேர்வு முடிவுகள் வெளியிடப்பட்ட பின்னர், கலந்தாய்வு, மாணவர் சேர்க்கை பற்றிய விவரத்தை அரசு எப்போது வெளியிடும்? என கேட்ட நீதிபதிகள், இதுபற்றி தமிழக அரசிடம் தகவல் பெற்று தெரிவிக்கும்படி தலைமை வழக்கறிஞருக்கு உத்தரவிட்டனர். அரசுப் பள்ளி மாணவர்களுக்கு மருத்துவக் கல்வியில் 7.5 சதவீத உள் ஒதுக்கீட்டுக்கு அனுமதியளிக்காமல் ஆளுநர் கிடப்பில் போட்டிருப்பதற்கு பல்வேறு தரப்பினர் கண்டனங்களை தெரிவித்துவருகின்றனர்.

இந்நிலையில் புதுச்சேரியில் செய்தியாளர்களிடம் பேசிய பாஜக மாநில துணைத்தலைவர் அண்ணாமலை, “உள் ஒதுக்கீடு விவகாரத்தில் ஆளுநர் முடிவெடுப்பார் என்ற நம்பிக்கை உள்ளது. பாஜகவை பொறுத்தவரை இடஒதுக்கீடு கொள்கையில் உறுதியாக உள்ளது. மாநில அரசு ஒப்படைத்துள்ள அகில இந்திய மருத்துவ இடங்களுக்கு ஒதுக்கீடு இந்த வருடம் கொடுப்பதா அல்லது அடுத்த வருடம் கொடுப்பதா என்ற குழப்பமான நிலைப்பாட்டில் தான் மத்திய அரசு உள்ளது. ஒதுக்கீடு வழங்கக்கூடாது என்ற எண்ணம் மத்திய அரசுக்கு இல்லை. அதே நேரம் அனைத்து விஷயங்களிலும் இடஒதுக்கீடு கொடுக்க முடியாது என மத்திய அரசு, உள் ஒதுக்கீடு விவகாரத்தில் கைவைத்தால் அதனை ஏற்றுக்கொள்ளமுடியாது” என தெரிவித்தார்.

மாவட்ட செய்திகள்

Most Popular

முதல்வர் தாயார் மறைவு : நடிகை குஷ்பு, எல்.கே. சுதீஷ் உள்ளிட்டோர் நேரில் ஆறுதல்!

முதல்வரை சந்தித்து தாயாரின் மறைவுக்கு மு.க.ஸ்டாலின் நடிகை குஷ்பு , எல்.கே. சுதீஷ் உள்ளிட்டோர் ஆறுதல் கூறினர். சென்னை கிரீன்வேஸ் சாலையில் உள்ள முதல்வர் பழனிசாமியின்...

7.5% உள்ஒதுக்கீடுக்கு விரைந்து ஒப்புதல் தர ஆளுநர் சம்மதம்!

மருத்துவ படிப்புக்கு 7.5% உள்ஒதுக்கீடு தர ஆளுநர் ஒப்புதல் அளித்து விட்டதாக அமைச்சர் ஜெயக்குமார் தெரிவித்துள்ளார். அரசு பள்ளி மாணவர்களின் மருத்துவ கனவை நினைவாக்கும் விதமாக,...

கோவை- சாலையோரத்தில் உறங்கியர் தலையில் கல்லைப்போட்டு கொலை

கோவை கோவையில் சாலையோரத்தில் படுத்து உறங்கியவர் தலையில் கல்லை போட்டு கொலை செய்யப்பட்ட சம்பவம் அதிர்ச்சியை ஏற்படுத்தி உள்ளது.

நவராத்திரி ஐந்தாம் நாள்: சகல ஐஸ்வரியத்தையும், புத்திரபாக்கியத்தையும் தருவாள் தேவி ஸ்கந்த மாதா!

அம்பிகையின் அருட்கொடையாய் விளங்கும் நவராத்திரி உற்சவ நாட்களில் பராசக்தியே துர்க்கையாகி தீமைகளை அழிக்கிறாள். மகாலட்சுமியாகி செல்வங்களை வாரி வழங்குகிறாள். சரஸ்வதியாகி நல்ல புத்தியையும், பக்தியையும் அளிக்கின்றாள். புத்தி, பக்தி, சித்தி...
Do NOT follow this link or you will be banned from the site!