இன்று முதல் அமலாகும் முக்கிய மாற்றங்கள்.. முழு லிஸ்ட் இதோ..! 

நவம்பர் 1 முதல் எரிவாயு விலையில் மாற்றங்கள் இருக்கும். எல்பிஜி, சிஎன்ஜி, பிஎன்ஜி விலைகள் மாதந்தோறும் மாற வாய்ப்புள்ளது. இந்த மாற்றங்கள் உங்கள் எரிவாயு கட்டணத்தை பாதிக்கும்.

நவ. 1 முதல் எஸ்பிஐ கிரெடிட் கார்டு மற்றும் சில வாலட்/ஆப் பேமெண்ட்களுக்கு புதிய கட்டணங்கள் பொருந்தும். பாதுகாப்பற்ற கிரெடிட் கார்டுகளுக்கு 3.75% கட்டணம் விதிக்கப்படலாம்.

UIDAI ஆதார் புதுப்பிப்பை எளிதாக்கியுள்ளது. இனி மையம் செல்லாமல் பெயர், முகவரி, பிறந்த தேதி, மொபைல் எண்ணை ஆன்லைனில் புதுப்பிக்கலாம். பயோமெட்ரிக் அப்டேட்களுக்கு மட்டும் மையம் செல்ல வேண்டும்.

இனி வாடிக்கையாளர்கள் தங்கள் வங்கி கணக்குகள், லாக்கர்களுக்கு 4 நாமினிகளை நியமிக்கலாம். ஒவ்வொரு நாமினிக்கும் பங்கை வாடிக்கையாளர் தீர்மானிக்கலாம். இது வங்கி வெளிப்படைத்தன்மையை அதிகரிக்கும்.

செபியின் புதிய வழிகாட்டுதல்களின்படி, AMC ஊழியர்கள் அல்லது உறவினர்கள் ரூ.15 லட்சத்திற்கு மேல் பரிவர்த்தனை செய்தால், இணக்க அதிகாரியிடம் தெரிவிக்க வேண்டும். இது முதலீட்டாளர் பாதுகாப்பை வலுப்படுத்தும்.