உலக நாடுகளை அச்சுறுத்தி வரும் கொரோனா தொற்று நாளுக்கு நாள் வேகமாக பரவி வருகிறது. கொரோனா பரவல் காரணமாக ஊரடங்கு பிறப்பிக்கப்பட்டுள்ள நிலையில் விமான சேவைகள் ரத்து செய்யப்பட்டுள்ளன. இதனால் விமான நிறுவனங்கள் பெரிதும் பாதிப்புக்கு உள்ளாகியுள்ளது.
இந்நிலையில் ஊழியர்களை 6 மாதம் முதல் 2 ஆண்டுகளுக்கு ஊதியமின்றி விடுப்பில் அனுப்பும் திட்டத்துக்கு ஏர் இந்தியா ஒப்புதல் அளித்துள்ளது. 2 ஆண்டு விடுப்பு என்பதை 5 ஆண்டுகளுக்கு நீட்டிக்கவும் ஏர் இந்தியா நிர்வாகம் திட்டமிட்டுள்ளதாகவும் தகவல் வெளியாகியுள்ளது.
ஏற்கனவே ஏர் இந்தியா வெளியிட்ட சுற்றறிக்கையில், ஊழியர்களுக்கான சலுகைகளை 50% குறைத்துள்ளதாக அந்நிறுவனம் அறிவித்துள்ளது.