darbar
  • January
    19
    Sunday

Main Area

Main



யூடியூபில் மாயமான ‘தி ஆக்ஸிடென்டல் பிரைம் மினிஸ்டர்’ டிரைலர்..!

manmohansingh
manmohansingh

மும்பை: ‘தி ஆக்ஸிடென்டல் பிரைம் மினிஸ்டர்’ திரைப்படத்தின் டிரைலர் திடீரென யூடியூபில் இருந்து மாயமானதாக நடிகர் அனுபம் கேர் தெரிவித்துள்ளார்.

மன்மோகன் சிங்கின் ஊடக ஆலோசகராக இருந்த சஞ்சயா பாரு எழுதிய `தி ஆக்ஸிடென்டல் பிரைம் மினிஸ்டர்என்ற புத்தகத்தை அடிப்படையாகக் கொண்டு உருவாகியுள்ள இப்படத்தை அறிமுக இயக்குநர் விஜய் தத் இயக்கியுள்ளார். இப்படத்துக்கு ஹன்சல் மேத்தா திரைக்கதை எழுதியுள்ளார்.

மன்மோகன் சிங் ஆட்சிக் காலத்தில், அவரது நிர்வாகத்தில் சோனியா காந்தியின் தலையீடு இருந்ததை மையமாகக் கொண்டு இப்படம் உருவாகியுள்ளது. சமீபத்தில் வெளியான இப்படத்தின் டிரைலரில், அணு சக்தி ஒப்பந்தம், காஷ்மீர் பிரச்னை, மன்மோகன் சிங் மீன்ஸ் பிசினஸ் போன்ற அம்சஙகள் சர்ச்சையை ஏற்படுத்தியதையடுத்து, காங்கிரஸ் தரப்பில் படத்திற்கு கடும் எதிர்ப்பு கிளம்பியது.

இந்நிலையில், திடீரென யூடியூபில் இருந்து ‘தி ஆக்ஸிடென்டல் பிரைம் மினிஸ்டர்’ படத்தின் டிரைலர் காணாமல் போனதாக நடிகர் அனுபம் கேர் தனது ட்விட்டர் பக்கத்தில் தெரிவித்துள்ளார். யூடியூபில் நேற்று வரை டாப் ட்ரெண்டிங்கில் இருந்த டிரைலரை தற்போது தேடினால் 50 வது இடத்தில் காட்டுகிறது. யூடியூப் உதவுங்கள் என அனுபம் கேர் பதிவிட்டுள்ளார்.

நாடாளுமன்ற தேர்தல் நேரம் நெருங்கி வரும் நிலையில் காங்கிரஸ் கட்சிக்கு எதிராக சர்ச்சைக்குரிய கருத்துக்களை கொண்ட இப்படம் ரிலீசாவது தேர்தலை பாதிக்கும் என அரசியல் வல்லுநர்கள் ஒருபக்கம் கருத்துக் கூறி வருகின்றனர்.

2018 TopTamilNews. All rights reserved.