மார்ச் 15 முதல் 21ம் தேதி வரையிலான 7 நாட்கள் லாக்டவுன்… மகாராஷ்டிரா அரசு முடிவு

கொரோனா வைரஸ் பரவல் மீண்டும் தீவிரமடைய தொடங்கியதால், நாக்பூர் மாவட்டத்தில் மார்ச் 15 முதல் 21ம் தேதி வரை லாக்டவுன் அமல்படுத்த மகாராஷ்டிரா அரசு முடிவு செய்துள்ளது.

கடந்த சில மாதங்களாக நம் நாட்டில் கொரோனா வைரஸ் பரவல் கட்டுக்குள் இருந்தது. ஆனால் கடந்த சில வாரங்களாக மகாராஷ்டிரா உள்பட சில மாநிலங்களில் கொரோனா வைரஸ் மீண்டும் வேகமாக பரவ தொடங்கியுள்ளது. மகாராஷ்டிராவில் குறிப்பாக நாக்பூர் மாவட்டத்தில் கொரோனா வைரஸ் பரவல் மிகவும் தீவிரமடைந்துள்ளது.

இதனையடுத்து நாக்பூர் மாவட்டத்தில் லாக்டவுன் விதிக்க முதல்வர் உத்தவ் தாக்கரே தலைமையிலான அரசு முடிவு செய்துள்ளது. அந்த மாவட்டத்தில் மார்ச் 15 முதல் 21ம் தேதி வரை லாக்டவுன் அமல்படுத்தப்படும். நாக்பூர் மாவட்ட நிர்வாகம் வெளியிட்டுள்ள அறிக்கையின்படி, பால், காய்கறிகள் மற்றும் பால் போன்ற அத்தியாவசிய கடைகள் திறந்திருக்கும்.

மார்ச் 15 முதல் 21ம் தேதி வரையிலான 7 நாட்கள் நாக்பூர் நகர போலீஸ் கமிஷனரேட் பகுதியில் முழுமையான லாக்டவுன் விதிக்கப்பட்டுள்ளது. மாவட்டத்தில் அத்தியாவசிய சேவைகள் தொடரும் என நாக்பூர் கார்டியன் அமைச்சர் நிதின் ரவுத் தெரிவித்தார்இ