பா.ஜ.க-வுக்கு அளித்த ஆதரவை திரும்பப்பெற்ற எம்.எல்.ஏ-க்கள்! மணிப்பூரில் ஆட்சியை பிடிக்கிறதா காங்கிரஸ்?

மணிப்பூரில் பா.ஜ.க-வுக்கு அளித்துவந்த ஆதரவை வாபஸ் பெறுவதாக திரிணாமுல் காங்கிரஸ், சுயேட்சை எம்.எல்.ஏ-க்கள் தெரிவித்திருப்பதன் மூலம் பா.ஜ.க அரசு கவிழும் நிலை ஏற்பட்டுள்ளது.


மணிப்பூரில் 2017ம் ஆண்டு நடந்த சட்டமன்றத் தேர்தலில் எந்த கட்சிக்கும் பெரும்பான்மை கிடைக்கவில்லை. ஆனால், 28 எம்.எல்.ஏ-க்களை வென்று காங்கிரஸ் கட்சி முதன்மை கட்சியாக இருந்தது. பா.ஜ.க-வுக்கு 21 எம்.எல்.ஏ-க்கள் மட்டுமே கிடைத்தனர். காங்கிரஸ் கட்சி ஆட்சி அமைக்க முயற்சி மேற்கொள்வதற்கு முன்பு காங்கிரஸ் கட்சியை உடைத்து, சுயேட்சை, உதிரி கட்சிகளின் ஆதரவைத் திரட்டி ஆட்சியைப் பிடித்தது பா.ஜ.க. அதன் பிறகும் பா.ஜ.க தன்னுடைய கட்சியை உடைக்கும் வேலையைத் தொடர்ந்தது. ஏழு காங்கிரஸ் எம்.எல்.ஏ-க்கள் பா.ஜ.க-வில் இணைந்து அதிர்ச்சியளித்தனர். இது தொடர்பான வழக்கு உச்ச நீதிமன்றத்தில் நடந்தது. இந்த எம்.எல்.ஏ-க்கள் மறு உத்தரவு வரும் வரை சட்டமன்றத்துக்குள் செல்லக் கூடாது என்ற கடந்த 9ம் தேதி மணிப்பூர் நீதிமன்றம் உத்தரவிட்டது.
இந்த நிலையில் துணை முதல்வரும் நாகா மக்கள் முன்னணி கட்சியைச் சேர்ந்தவருமான ஜோய்குமார் சிங் உள்ளிட்ட நான்கு பேர் தங்கள் அமைச்சர் பதவியை ராஜினாமா செய்துள்ளனர். திரிணாமுல் காங்கிரஸ் கட்சியைச் சேர்ந்த ரோபிந்த்ரோ சிங் மற்றும் சுயேட்சை எம்.எல்.ஏ-வும் பா.ஜ.க-வுக்கு அளித்து வந்த ஆதரவைத் திரும்பப் பெறுவதாக கூறியுள்ளனர்.
பா.ஜ.க-வைச் சேர்ந்த எம்.எல்.ஏ-க்கள் சுபாஷ்சந்திர் சிங், டி.டி.ஹாயோகிக், சாமுவேல் ஆகியோர் தங்கள் பதவியை ராஜினாமா செய்துவிட்டு காங்கிரஸ் கட்சியில் இணைந்துள்ளனர். இதனால், மணிப்பூர் மாநிலத்தில் பா.ஜ.க பெரும்பான்மையை இழந்துள்ளது. ஆட்சியைத் தக்க வைக்க பா.ஜ.க கடும் முயற்சி மேற்கொண்டு வருகிறது. அதே நேரத்தில் எம்.எல்.ஏ-க்கள் ராஜினாமா, சட்டப்பேரவைக்குள் செல்ல தடை போன்ற காரணங்களால் பெரும்பான்மைக்குத் தேவையான எம்.எல்.ஏ-க்கள் ஆதரவு காங்கிரஸ் கட்சியிடம் உள்ளது. இதனால், காங்கிரஸ் ஆட்சி அமைக்க வாய்ப்புள்ளதாகவும் செய்திகள் வெளியாகி உள்ளன.

Most Popular

நம்பிக்கை கொடுத்த பொதுத்துறை வங்கி… சென்ட்ரல் பேங்க் இந்தியா லாபம் ரூ.147 கோடியாக உயர்ந்தது…

பொதுத்துறையை சேர்ந்த சென்ட்ரல் பேங்க் ஆப் இந்தியா கடந்த ஜூன் காலாண்டு நிதி முடிவுகளை வெளியிட்டுள்ளது. அந்த காலாண்டில் சென்ட்ரல் பேங்க் ஆப் இந்தியா ஒட்டு மொத்த அளவில் நிகர லாபமாக ரூ.147.21...

48 மணி நேரத்துல மன்னிப்பு கேளுங்க.. சிவ சேனா தலைவருக்கு நோட்டீஸ்… மறைந்த பாலிவுட் நடிகரின் உறவினர்

பாலிவுட் நடிகர் சுஷாந்த் சிங் ராஜ்புத் மரணம் திரையுலகை மட்டுமல்ல அரசியல் வட்டாரத்திலும் பெரும் புயலை கிளப்பியுள்ளது. கடந்த சில தினங்களுக்கு முன் சிவ சேனாவின் பத்திரிகையான சாமனாவில் சஞ்சய் ரவுத் எழுதியுள்ள...

மாவட்ட மருத்துவமனை டாக்டர் லீவு.. வலியில் துடித்த கர்ப்பிணி பெண்ணுக்கு பிரசவம் பார்த்த மிசோரம் எம்.எல்.ஏ.

மிசோரம் சட்டமன்ற உறுப்பினர் (எம்.எல்.ஏ.) இசட்.ஆர். தியம்சங்கா. அவர் அடிப்படையில் ஒரு மருத்துவர். மகப்பேறியல் மற்றும் பெண்ணோயியல் சிறப்பு நிபுணத்துவம் பெற்றவர். கடந்த திங்கட்கிழமையன்று சம்பாய் மாவட்டத்தில் தனது தொகுதியில் நில நடுக்கத்தால்...

தனது சிந்தனைகளுக்கு ஒத்து வராத அரசாங்களை கலைப்பதே பா.ஜ.க.வின் கொள்கை… சிவ சேனா தாக்கு..

பா.ஜ.க.வின் முன்னாள் நட்பு கட்சியான சிவ சேனா தற்போது பா.ஜ.க.வை கடுமையாக விமர்சனம் செய்து வருகிறது. ராஜஸ்தானில் காங்கிரஸ் ஆட்சியை கவிழ்க்கும் முயற்சி தோல்வி அடைந்ததால், அடுத்த மகாராஷ்டிராவில் முதல்வர் உத்தவ் தாக்கரே...
Do NOT follow this link or you will be banned from the site!