82 இன்ச் பிரமாண்ட திரை கொண்ட டிவிக்களை சியோமி நிறுவனம் சீனாவில் அறிமுகப்படுத்தி உள்ளது.
லக்ஸ் அல்ட்ரா என்ற பெயரில் வந்துள்ள இந்த டிவிக்கள், ஒஎல்இடி பின்புற ஒளி அமைப்புடன் இரு வகைகளில் அறிமுகமாகி உள்ளது. இதில் 82 இன்ச் 4கே டிவி, இந்திய மதிப்பில் 1 லட்சத்து 8 ஆயிரம் ரூபாய்க்கும், 82 இன்ச் 8கே டிவி, 5 லட்சத்து 41 ஆயிரம் ரூபாய்க்கும் சியோமி அறிமுகப்படுத்தி உள்ளது.
இந்த டிவிக்களில் 4 ஜிபி ரேம் மற்றும் 64 ஜிபி – 256 ஜிபி என இருவேறு மெமரி அளவுகள், எம்இஎம்சி தொழில்நுட்பம், டால்பி விஷன் சப்போர்ட், ஒரு ஜிகா பைட் ஈத்தர்நெட் போர்ட், என்எப்சி கொண்ட ரிமோட் என சகல ஐடெக் சமாச்சாரங்களையும் உள்ளடக்கி வெளிவந்துள்ளது.
இதில் என்எப்சி கொண்ட ரிமோட்டை ஸ்மார்ட்போனை கொண்டு தொட்டாலே , போனின் திரையை டிவியில் கேஸ்ட் செய்துவிடலாம் என கூறப்படுகிறது. மேலும் வைபை, புளூடூத் என அனைத்து ஸ்மார்ட் ஆப்ஷன்களும் கொண்ட இந்த டிவிக்கள் இந்தியாவில் எப்போது அறிமுகப்படுத்தப்படும் என்பது குறித்து சியோமி நிறுவனம் தகவல் தெரிவிக்கவில்லை.