• April
    05
    Sunday

Main Area

Main



7 வயதுச் சிறுமி வன்புணரப்பட்டு கொலை - சிசிடிவி காட்சிகள் மூலம் கொலையாளியைத் தேடும் போலீசார்

child abuse
child abuse

7 வயதுச் சிறுமியை வன்புணர்ந்து கொன்ற வழக்கில் கண்காணிப்பு கேமராவில் பதிவான காட்சிகளை வைத்து காவல் துறையினர் கொலையாளியத் தேடி வருகின்றனர்.

திட்டமிட்டுக் கடத்தல் 

உத்தரபிரதேச மாநிலம் முசாபர்நகர் கிராமத்தில் கடந்த வியாழக்கிழமை அன்று பாதிக்கப்பட்ட சிறுமியும் அவரது தம்பியும் பட்டம் விடுவதற்கான கயிறு வாங்குவதற்காக கடைக்கு சென்றுள்ளனர். அப்போது அங்கு வந்த அறிமுகமில்லாத நபர் ஒருவர் தனக்கும் பட்டம் விட கயிறு வேண்டும் என்று சிறுவனிடம் 20 ரூபாய் கொடுத்து கடைக்கு அனுப்பி இருக்கிறார். பின்பு சிறுவன் வந்து பார்த்த போது சிறுமியைக் காணவில்லை. சிறுமி கடத்தப்பட்டது குறித்து காவல்துறையில் புகார் அளிக்கப்பட்டது.

child abuse
சடலமாகக் கிடைத்தார் 

இந்நிலையில், அன்று மாலையே மீர்பூர் காவல்நிலையம் அருகே உள்ள தோட்டத்தில் சிறுமி ஒருவரின் சடலம் கிடப்பதாக அக்கம்பக்கத்தினர் காவல்துறைக்கு தகவல் தெரிவித்தனர். உடனே அங்கு விரைந்து சென்ற காவல் துறையினர் சடலத்தை கைப்பற்றி பிரேதப் பரிசோதனைக்கு அனுப்பி வைத்தனர். சிறுமியின் சடலம் கண்டெடுக்கப்பட்ட இடம் அவர் காணாமல் போன இடத்திலிருந்து 15 கிமீ தொலைவில் உள்ளது என்பது குறிப்பிடத்தக்கது.

child abuse
கண்காணிப்பு கேமரா காட்சிகள் 

பிரேதப் பரிசோதனையில் சிறுமி வன்புணரப்பட்டு கொல்லப்பட்டிருப்பது தெரியவந்துள்ளது. இதனையடுத்து கொலையாளியைப் பிடிப்பதில் காவல்துறையினர் தீவிரம் காட்டி வருகின்றனர். சிறுமி காணாமல் போன இடத்தில இருந்த கடைகளில் பொருத்தப்பட்டிருந்த கண்காணிப்பு கேமரா காட்சிகளை கைப்பற்றி விசாரணை நடத்திய போலீசார், கண்காணிப்பு கேமராக்களில் பதிவான காட்சிகளை வைத்து கொலையாளியை அடையாளம் கண்டு விசாரித்து வருகின்றனர்.

2018 TopTamilNews. All rights reserved.