அசாமில் நில அபகரிப்பு கும்பல் துணிகரம் – 50 வயது பெண்ணை தீ வைத்து கொளுத்தினர்

அசாம் மாநிலத்தில் நில அபகரிப்பு கும்பல் ஒரு பெண்ணை தீ வைத்து கொளுத்திய அதிர்ச்சி சம்பவம் நிகழ்ந்துள்ளது.

ஹொஜாய்: அசாம் மாநிலத்தில் நில அபகரிப்பு கும்பல் ஒரு பெண்ணை தீ வைத்து கொளுத்திய அதிர்ச்சி சம்பவம் நிகழ்ந்துள்ளது.

அசாம் மாநிலத்தில் ஹொஜாய் மாவட்டத்தில் தக்ஷின் சமராலி பகுதியில் நிலத் தகராறு தொடர்பாக ஒரு மாஃபியா கும்பல் 50 வயது பெண்ணுக்கு தீ வைத்தனர். உள்ளூர்வாசிகள் சிலர்  இந்த சம்பவத்தை வீடியோவாக படம்பிடித்து சமூக வலைதளத்தில் வெளியிட்டதால் வைரலாகின.

ஒரு நில அபகரிப்பு கும்பல் சலேஹா பேகம் எனும் பெண்ணின் நிலத்தை அபகரித்து டிராக்டர் மூலம் உழுவதற்கு முயற்சி செய்ததாக கூறப்படுகிறது. இதையடுத்து சலேஹா பேகம் மற்றும் அவரது குடும்ப உறுப்பினர்கள் அந்த நில அபகரிப்பு கும்பலை தடுக்க முயன்றனர். அப்போது சலேஹா பேகத்திற்கு நில அபகரிப்பு கும்பல் தீ வைத்து கொலை செய்ய முயன்றதாக கூறப்படுகிறது.

இந்த சம்பவம் பற்றி தகவலறிந்து உள்ளூர் போலீசார் அந்த பகுதிக்கு விரைந்து சென்று காயமடைந்த பெண்ணை மீட்டு மருத்துவமனையில் அனுமதித்தனர். இதற்கிடையில், இந்த சம்பவம் தொடர்பாக முராஜர் காவல் நிலையத்தில் போலீசார் இரண்டு வழக்குகளை பதிவு செய்துள்ளனர்.

முராஜர் காவல் நிலைய பொறுப்பாளர் கபீர் லிம்பு கூறுகையில், “இந்த சம்பவம் தொடர்பாக இரு தரப்பினரும் புகார் அளித்ததைத் தொடர்ந்து நாங்கள் இரண்டு வழக்குகளை பதிவு செய்துள்ளோம். முன்னதாக, நிலத்தை அபகரித்ததாகக் கூறப்படும் ரஹிமுதீன் என்ற நபர் மீது 2019 ல் வழக்கு பதிவு செய்யப்பட்டது, இப்போது அவர் தலைமறைவாக உள்ளார்” என்றார். இந்த விவகாரம் குறித்து விசாரணை நடந்து வருவதாக காவல்துறை அதிகாரி தெரிவித்தார்.

Most Popular

சுஷாந்த் மரண வழக்கு சி.பி.ஐ.யிடம் ஒப்படைப்பு! எனது பொறுப்பை நிறைவேற்றிவிட்டேனா? சுப்பிரமணியன் சுவாமி

பாலிவுட் நடிகர் சுஷாந்த் சிங் ராஜ்புத் கடந்த ஜூன் மாதம் தனது வீட்டில் தற்கொலை செய்து கொண்டார். இது இந்திய திரைப்பட உலகில் பெரிய அதிர்வை ஏற்படுத்தியது. சுஷாந்த் சிங் ராஜ்புத் தற்கொலைக்கான...

மகாராஷ்டிரா நிலவரம் தொடர்பாக சரத் பவார் தனது கட்சி தலைவர்களுடன் மட்டும் ஆலோசனை…

மகாராஷ்டிராவில் முதல்வர் உத்தவ் தாக்கரே தலைமையில், சிவ சேனா, தேசியவாத காங்கிரஸ் மற்றும் காங்கிரஸ் கட்சிகிளன் மகா விகாஸ் அகாடி கூட்டணி அரசு நடைபெற்று வருகிறது. தற்போது அம்மாநிலம் கொரோனா வைரஸால் கடுமையாக...

அமெரிக்காவிலும் களைகட்டிய ராமர் கோயில் பூமிபூஜை கொண்டாட்டங்கள்!

அயோத்தி ராமர் கோயில் பூமிபூஜை விழாவை அமெரிக்காவிலும் சிறப்பாக கொண்டாடியுள்ளனர் அங்குள்ள இந்தியர்கள். அயோத்தி ராமர் கோவில் அடிக்கல் நாட்டு விழா இன்று சிறப்பாக நடந்து முடிந்தது. இதில் மொத்தம் 200 மத தலைவர்களுக்கு...

அண்ணாவின் கொள்ளுப்பேத்தி குடிமைப் பணி தேர்வில் வெற்றி – உதயநிதி வாழ்த்து

2019 ஆம் ஆண்டிற்கான சிவில் சர்வீஸ் தேர்வு செப்டம்பர் மாதம் நடைபெற்றது. அதில் தேர்ச்சியானவர்களுக்கு கடந்த பிப்ரவரி மாதம் நேர்காணல் நடத்தப்பட்டது. அதன் பிறகு கொரோனா பாதிப்பால் தேர்வு முடிவுகள் வெளியாகாமல் இருந்தது....