ஓசூர் அருகே மின்சாரம் தாக்கி 4 பேர் பலி… அடுக்குமாடி குடியிருப்புக்கு பூமிபூஜை பந்தல் அமைத்தபோது சோகம்…

கிருஷ்ணகிரி

ஓசூர் அருகே அடுக்குமாடி குடியிருப்பு கட்ட பூமிபூஜை பந்தல் அமைத்தபோது மின்சாரம் தாக்கி, 4 தொழிலளர்கள் உயிரிழந்தனர். மேலும், 6 பேர் படுகாயமடைந்தனர்.

ஓசூர் அருகே தமிழக – கர்நாடக எல்லையில் உள்ள அத்திப்பள்ளி என்னும் பகுதியில், அடுக்குமாடி குடியிருப்பு கட்டுவதற்கக பூமிபூஜை பந்தல் அமைக்கம் பணி நேற்று நடைபெற்றது. இந்த பணியில் 20-க்கும் மேற்பட்ட தொழிலாளர்கள் ஈடுபட்டிருந்தனர். அங்கு, பந்தல் மேடைக்கு அருகே சுற்றுச்சுவரின் அருகிலேயே மின் கம்பங்கள் இருந்துள்ளது.

இதனை கவனிக்காத தொழிலாளர்கள் பந்தலுக்கான இரும்பு கம்பியை ஊண்டியபோது, கம்பி முனை மின்ஒயரில் உரசியது. இதில் மின்சாரம் பாய்ந்ததில், ஆகாஷ் (30), மகாதேவ் (35), விசாகாந்தா, விஜய் ஆகிய 4 பேர் சம்பவ இடத்திலேயே பரிதாபமாக உயிரிழந்தனர்.

மேலும் 6 தொழிலாளர்கள் படுகாயம் அடைந்தனர். அவர்களை உடனடியாக மீட்டு அத்திப்பள்ளி அரசு மருத்துவமனையில் சிகிச்சைக்காக அனுமதிக்கப்பட்டனர். சம்பவம் குறித்து, கர்நாடக மாநிலம் அத்திப்பள்ளி போலீசார் வழக்குப்பதிவு செய்து விசாரித்து வருகின்றனர்.