மதுரை சிம்மக்கல் பகுதியில் 300 ஆண்டுகள் பழமையான பேச்சியம்மன் கோவிலிருந்து விநாயகர் சிலை, குதிரையுடன் அய்யனார் சிலை, பொன்னார் சங்கர் சிலை என 3 ஐம்பொன்சிலைகள், குத்துவிளக்கு போன்றவை திருடப்பட்டன. இதுகுறித்து வழக்குப்பதிவு செய்த போலீசார் அங்குள்ள சிசிடிவி காட்சிகளை ஆய்வு செய்த போது, செல்லூரை சேர்ந்த ஜெயராமன் என்பவரை பிடித்து விசாரித்தனர்.
அப்போது அவர் சிலைகளை திருடி அனுப்பானடியை சேர்ந்த முகம்மது முஸ்தா(47), புது மீனாட்சிபுரம் கேட்லாக் ரோடு பகுதியை சேர்ந்த செபஸ்தீயான்(49) ஆகியோரிடம் விற்றது கண்டுபிடிக்கப்பட்டது. இதை தொடர்ந்து சிலை திருட்டில் 3 பேரை கைது செய்ததுடன், அவர்களிடமிருந்து சிலைகளும் பறிமுதல் செய்யப்பட்டன.