அதிகாரத்தை கொடுக்க சிந்திக்கத்தான் வேண்டும்;வைரமுத்து

தமிழகத்தின் 234 சட்டமன்ற தொகுதிகளுக்கும் நாளை வாக்குப்பதிவு நடைபெறுகிறது. இதற்காக தேர்தல் ஆணையம் அனைத்து ஏற்பாடுகளையும் செய்திருக்கிறது.

வாக்காளர்கள் ஒவ்வொருவரும் வாக்களிப்பதன் கடமை குறித்து கவிஞர் வைரமுத்து ஒரு வீடியோ வெளியிட்டிருக்கிறார்.

அந்த வீடியோவில், ’’வாக்களித்தல் என்பது உங்கள் உரிமை மட்டும் அல்ல;அதிகாரம். அதிகாரத்தை கொடுக்கும் அதிகாரம். அன்பை கொடுக்க சிந்திக்க தேவையில்லை. அதிகாரத்தை கொடுக்க சிந்திக்கத்தான் வேண்டும். வாக்களிக்கும் முன் சிந்திக்க மறுக்காதீர். சிந்தித்த பின் வாக்களிக்க தயங்காதீர்கள்’’என்று தெரிவித்திருக்கிறார்.