Home வணிகம் சென்செக்ஸ் 593 புள்ளிகள் உயர்வு... முதலீட்டாளர்களுக்கு ரூ.2.83 லட்சம் கோடி லாபம்

சென்செக்ஸ் 593 புள்ளிகள் உயர்வு… முதலீட்டாளர்களுக்கு ரூ.2.83 லட்சம் கோடி லாபம்

இந்திய பங்குச் சந்தைகளில் இன்று வர்த்தகம் சிறப்பாக இருந்தது. சென்செக்ஸ் 593 புள்ளிகள் உயர்ந்தது.

சில பொதுத்துறை வங்கிகளுக்கு மத்திய நிதியமைச்சகம் மூலதனம் ஆதரவு வழங்க வாய்ப்புள்ளதாக தகவல் வெளியானது. பிரதமர் நரேந்திர மோடி தலைமையிலான அரசு வேலைவாய்ப்பு மற்றும் தேவை அதிகரிக்கும் நோக்கில் விரைவில் ஊக்குவிப்பு தொகுப்புகளை அறிவிக்கும் என எதிர்பார்க்கப்படுகிறது. இதுதவிர சர்வதேச பங்குச் சந்தைகளில் வர்த்தகம் சிறப்பாக இருந்ததும் இந்திய பங்குச் சந்தைகளில் இன்று வர்த்தகம் ஏற்றம் காண வழிவகுத்தது.

பிரதமர் மோடி

சென்செக்ஸ் கணக்கிட உதவும் 30 நிறுவன பங்குகளில், இண்டஸ்இந்த் வங்கி, பஜாஜ் பைனான்ஸ், ஆக்சிஸ் வங்கி, சன் பார்மா, ஓ.என்.ஜி.சி., மகிந்திரா அண்டு மகிந்திரா மற்றும் என்.டி.பி.சி. உள்பட மொத்தம் 27 நிறுவன பங்குகளின் விலை உயர்ந்தது. அதேவேளையில், இந்துஸ்தான் யூனிலீவர், இன்போசிஸ் மற்றும் நெஸ்லே இந்தியா ஆகிய 3 நிறுவன பங்குகளின் விலை குறைந்தது.

இண்டஸ்இந்த் வங்கி

மும்பை பங்குச் சந்தையில் இன்று 1,929 நிறுவன பங்குகளின் விலை உயர்ந்தது. 756 நிறுவன பங்குகளின் விலை குறைந்தது. 163 நிறுவன பங்குகளின் விலையில் எந்தவித மாற்றமும் இன்றி முடிவடைந்தது. மும்பை பங்குச் சந்தையில் பட்டியலிடப்பட்டுள்ள நிறுவனங்களின் பங்குகளின் மொத்த சந்தை மதிப்பு ரூ.155.11 லட்சம் கோடியாக உயர்ந்தது. ஆக, இன்று முதலீட்டாளர்களுக்கு பங்குச் சந்தையில் ஒட்டு மொத்த அளவில் சுமார் ரூ.2.83 லட்சம் கோடி லாபம் கிடைத்தது.

இந்துஸ்தான் யூனிலீவர்

இன்றைய வர்த்தகத்தின் முடிவில், மும்பை பங்குச் சந்தையின் குறியீட்டு எண் சென்செக்ஸ் 592.97 புள்ளிகள் உயர்ந்து 37,981.63 புள்ளிகளில் நிலைகொண்டது. தேசிய பங்குச் சந்தையின் குறியீட்டு எண் நிப்டி 177.30 புள்ளிகள் ஏற்றம் கண்டு 11,227.55 புள்ளிகளில் முடிவுற்றது.

மாவட்ட செய்திகள்

Most Popular

புதுக்கோட்டையில் திமுக பிரமுகர் வெட்டிப் படுகொலை! அவருக்கு 6 நாட்களில் திருமணம்…

புதுக்கோட்டை மாவட்ட திமுக இளைஞரணி துணை அமைப்பாளரான மாத்தூரை சேர்ந்த பாலச்சந்தர் மர்ம நபர்களால் வெட்டி படுகொலை செய்யப்பட்டுள்ளார். 36 வயதான பாலசந்தருக்கு இந்த மாதம்...

பெரம்பலூரில் கண்டெடுக்கப்பட்டது டைனோசரின் முட்டைகள் இல்லை- அருங்காட்சிய காப்பாட்சியர்

பெரம்பலூர் மாவட்டம் குன்னம் கிராமத்தில் கடந்த புதன்கிழமை கண்டுபிடிக்கப்பட்ட டைனோசர் முட்டைகள் போன்ற உருவம் குறித்த முக்கிய செய்தி வெளியாகியுள்ளது. பெரம்பலூர் மாவட்டம் குன்னம் அரசு...

மு.க.ஸ்டாலின் மீது 4 பிரிவுகளின் கீழ் வழக்குப்பதிவு

சென்னையில் ஆளுநர் மாளிகை முன்பு போராட்டம் நடத்திய திமுக தலைவர் மு.க.ஸ்டாலின் மீது வழக்குப்பதிவு செய்யப்பட்டுள்ளது. மருத்துவபடிப்பில் அரசு பள்ளி...

பெண் ஆளுமைகளின் கீழ் காஞ்சிபுரம் மாவட்டத்தின் தலைமை பணிகள்!

தமிழகத்தில் ஐஏஎஸ் அதிகாரிகள் சிலரை இடமாற்றம் செய்து தமிழக அரசு உத்தரவு பிறப்பித்துள்ளது. அதிகாரிகள் இடமாற்றம் வழக்கமான ஒன்று தான் என்றாலும், தமிழக சட்டப்பேரவை தேர்தல் நடக்க இன்னும் சில...
Do NOT follow this link or you will be banned from the site!