darbar
  • January
    19
    Sunday

Main Area

Main



முதலீட்டாளர்களை பதற வைத்த பங்கு வர்த்தகம்! சென்செக்ஸ் 334 புள்ளிகள் வீழ்ச்சி!

பங்கு வர்த்தகம்
பங்கு வர்த்தகம்

கடந்த நவம்பர் மாதத்தில் வாகன விற்பனை மந்தமாக இருந்ததால் பல முன்னணி வாகன தயாரிப்பு நிறுவனங்களின் பங்குகளின் விலை சரிந்தது. பொருளாதார வளர்ச்சி குறைந்தது, ரிசர்வ் வங்கி வட்டி விகிதத்தை குறைக்காதது போன்ற பல காரணங்களால் இன்று இந்திய பங்குச் சந்தைகளில் இன்று வர்த்தகம் மிகவும் சரிவு கண்டது.

கோடக் மகிந்திரா வங்கி

சென்செக்ஸ் கணக்கிட உதவும் நிறுவன பங்குகளில், கோடக் மகிந்திரா வங்கி, டாடா ஸ்டீல் மற்றும் ரிலையன்ஸ் இண்டஸ்ட்ரீஸ் உள்பட 7 நிறுவன பங்குகளின் விலை உயர்ந்தது. அதேசமயம், யெஸ் பேங்க், ஸ்டேட் வங்கி, மகிந்திரா அண்டு மகிந்திரா, இண்டஸ் இந்த் வங்கி, டாடா மோட்டார்ஸ் மற்றும் எச்.டி.எப்.சி. நிறுவனம் உள்பட 23 நிறுவன பங்குகளின் விலை குறைந்தது.

யெஸ் பேங்க்

மும்பை பங்குச் சந்தையில் இன்று 874 நிறுவன பங்குகளின் விலை உயர்ந்தது. 1,650 நிறுவன பங்குகளின் விலை சரிந்தது. 184 நிறுவனங்களின் பங்குகளின் விலையில் எந்தவித மாற்றமும் இன்றி முடிவடைந்தது. மும்பை பங்குச் சந்தையில் பட்டியலிடப்பட்டுள்ள நிறுவனங்களின் பங்குகளின் மொத்த சந்தை மதிப்பு ரூ.152.19 லட்சம் கோடியாக சரிந்தது.

பங்கு வர்த்தகம் வீழ்ச்சி

இன்றைய வர்த்தகத்தின் முடிவில் மும்பை பங்குச் சந்தையின் குறியீட்டு எண் சென்செக்ஸ் 334.44 புள்ளிகள் வீழ்ச்சி கண்டு 40,445.15 புள்ளிகளில் நிலை கொண்டது. தேசிய பங்குச் சந்தையின் குறியீட்டு எண் நிப்டி 96.90 புள்ளிகள் குறைந்து 11,921.50 புள்ளிகளில் முடிவுற்றது.

2018 TopTamilNews. All rights reserved.