Home அரசியல் ஜெயக்குமாரை வெளியே அனுப்பிவிட்டு ஈபிஎஸ் -ஓபிஎஸ்சிடம் பேசிய அமித்ஷா

ஜெயக்குமாரை வெளியே அனுப்பிவிட்டு ஈபிஎஸ் -ஓபிஎஸ்சிடம் பேசிய அமித்ஷா

குடியரசுத்தலைவருக்கும், பிரதமருக்கும் அளிக்கும் வரவேற்பை உள்துறை அமைச்சர் அமித்ஷாவுக்கு நேற்று விமான நிலையத்தில் அதிமுக அளித்தது என்றால், பாஜகவின் முக்கிய முடிவுகளை எடுக்கும் நபர் அவர் என்பதால்தான்.

முதல்வர், துணைமுதல்வர், அமைச்சர்கள் அனைவரும் சென்று விமான நிலையத்தில் வரவேற்பு அளித்தனர்.

கலைவாணர் அரங்கில் நடந்த அரசு விழாவுக்கு முன்பாக, லீலா பேலஸ் ஓட்டலில் தங்கி்யிருந்த அமித்ஷாவை சென்று சந்தித்தார் அமைச்சர் ஜெயக்குமார். பாஜகவையும், அமித்ஷாவையும் அதிகம் விமர்சித்து வந்ததால் அதை சரிக்கட்டும் நோக்கில்தான் இந்த சந்திப்பு நிகழ்ந்ததாதகவும் சொல்லப்பட்டது.

இதன்பின்னர் கலைவாணர் அரங்கில் நடந்த அரசு விழாவுக்கு பின்னர் லீலா பேலஸ் ஓட்டலில் தங்கிய அமித்ஷாவை பார்க்க, முதல்வர் எடப்பாடி பழனிச்சாமியும், துணைமுதல்வர் ஓ.பன்னீர்செல்வமும் சென்றனர். அவர்களுடன் மீன்வளத்துறை அமைச்சர் ஜெயக்குமாரும் சென்றார்.

ஓட்டலுக்கு சென்ற சிறிது நேரத்தில் மூவரும் அமித்ஷா அறைக்குள் அழைக்கப்பட்டனர். ஆனால், சுவற்றில் அடித்த பந்தாக போன வேகத்திலேயே வெளியே வந்துவிட்டார் அமைச்சர் ஜெயக்குமார். அதன்பிறகு ஈபிஎஸ் -ஓபிஎஸ்சுன் இருபது நிமிச்சத்துக்கு மேலாக ஆலோசனை செய்திருக்கிறார் அமித்ஷா.

பீகார் தேர்தலில் பாஜகவின் வெற்றியைப்பற்றி சொல்லி ஈபிஎஸ்சும் ஓபிஎஸ்சும் வாழ்த்துச்சொல்ல, அதுபற்றியே அதிகம் பேசியிருக்கிறார் அமித்ஷா. பீகார் தேர்தலில் உங்களின் பங்களிப்பை போலவே தமிழக சட்டமன்ற தேர்தலிலும் அளிக்க வேண்டும் என்று ஈபிஎஸ் கேட்க, ‘நிச்சயமாக’ என்று உறுதி அளித்திருக்கிறார் அமித்ஷா.

சந்திப்பு முடியும் தருணத்தில்தான் அந்த வார்த்தயை சொல்லி இருக்கிறார் அமித்ஷா. புறப்படுவதற்காக எழுந்து நின்ற ஈபிஎஸ் -ஓபிஎஸ் இருவரையும் பார்த்து, எப்போதும் நீங்க ரெண்டு பேரும் இதுமாதிரியே ஒன்றாக இருக்கணும்னு விரும்புறேன் என்று சொல்லிவிட்டு, பாஜகவுக்கு ஒதுக்கும் தொகுதிகள் எத்தனை என்று ஜனவரி மாசத்துக்குள்ள சொல்லிடுங்க..என்றிருக்கிறார்.

மாவட்ட செய்திகள்

Most Popular

“ஆளுநரிடம் வேறு விஷயங்களும் பேசினோம்; அதையெல்லாம் வெளியே சொல்ல முடியாது” – மு.க ஸ்டாலின்

எழுவர் விடுதலை தொடர்பாக திமுக தலைவர் மு.க ஸ்டாலின் நேரில் சென்று ஆளுநர் பன்வாரிலாலை சந்தித்தார். ராஜீவ்காந்தி கொலை வழக்கில் சிக்கிய பேரறிவாளன், நளினி, முருகன்...

நிவர் புயல் எதிரொலி – செம்பரம்பாக்கம் ஏரியில் அலைகள் அதிகரிப்பு

சென்னை நிவர் புயல் காரணமாக காற்றின் வேகம் அதிகரித்துள்ளதால், செம்பரம்பாக்கம் ஏரியில் இன்று அலைகள் அதிகரித்து காணப்பட்டது.

காற்று பலமாக வீசியதால் இந்தியாவில் கரை ஒதுங்கிய இலங்கை மீனவர்!

நிவர் புயல் குறித்த அப்டேட் செய்திகள் வந்துகொண்டே உள்ளன. நாளை இப்புயல் காரைக்கல் – மாமல்லபுரம் இடையே கரை கடக்கும் என தெரிகிறது. இதனால், பல முன்னெச்சரிக்கை நடவடிக்கைகளை அரசு...

நிவர் புயல் காரணமாக சி.ஏ. தேர்வுகள் ரத்து!

நிவர் புயல் காரணமாக இன்றும் நாளையும் நடைபெற இருந்த சிஏ தேர்வுகள் ஒத்திவைக்கப்பட்டுள்ளன. வங்க கடலில் உருவான...
Do NOT follow this link or you will be banned from the site!