Home தொழில்நுட்பம் ஃபேஸ்புக்கில் மக்கள் பயன்பாட்டிற்கு டார்க் மோட் - சோதனை தொடக்கம்

ஃபேஸ்புக்கில் மக்கள் பயன்பாட்டிற்கு டார்க் மோட் – சோதனை தொடக்கம்

விரைவில் ஃபேஸ்புக் செயலியை டார்க் மோடில் பயன்படுத்தலாம். இதற்காக ஃபேஸ்புக் நிறுவனம், ஆண்டிராய்ட் மற்றும் ஐஒஎஸ் தளங்களில் சில வாடிக்கையாளர்களுக்கு சோதனை அடிப்படையில் டார்க் மோட் வசதியை தர தொடங்கி உள்ளது.

ஸ்மார்ட்போன் உலகில் டார்க் மோட் என்பது முக்கிய வசதியாக பார்க்கப்படுகிறது. டார்க் மோட் பயன்படுத்துவதால் பேட்டரி எரிதிறன் மிச்சப்படுவதுடன், கண்களுக்கும் எரிச்சல் குறைவு என கருதப்படுவதால், இந்த வசதி உள்ள போன்கள் மற்றும் செயலிகளை பயன்படுத்துவதை வாடிக்கையாளர்கள் அதிகம் விரும்புகின்றனர். இதை புரிந்துகொண்ட கூகுள் நிறுவனம் ஆண்டிராய்ட் 10 இயங்குதளத்தை டார்க் மோட் வசதி கொண்டதாக அறிமுகப்படுத்தியது.

இந்த வரிசையில் பல்வேறு நிறுவனங்களும், தங்கள் போன்கள் மற்றும் செயலிகளில் டார்க் மோட் வசதியை ஏற்படுத்த முனைப்பு காட்டி வருகின்றன. அந்த வரிசையில் ஃபேஸ்புக் நிறுவனம், ஏற்கனவே டார்க் மோட் சோதனையை தொடங்கி விட்டதாக சில மாதங்களுக்கு முன்பு அறிவித்து இருந்த நிலையில், தற்போது ஆண்டிராய்ட் மற்றும் ஐஒஎஸ் தளங்களில் உள்ள சில வாடிக்கையாளர்களுக்கு சோதனை அடிப்படையில் டார்க் மோட் வசதியை வழங்கி உள்ளதாக தகவல் வெளியாகி உள்ளது.

இதன்படி ஃபேஸ்புக் செயலியில், செட்டிங்ஸ் மெனு சென்று, அங்கே செட்டிங்ஸ் மற்றும் பிரைவசி ஆப்ஷனை கிளிக் செய்தால் டார்க் மோட் வசதி கிடைக்கும் என்று தெரிகிறது. அதை கிளிக் செய்து டார்க் மோட் வசதியை முகநூல் வாடிக்கையாளர்கள் பெறலாம் என்றும் அதே சமயம் இந்த வசதி தற்போது சோதனை நிலையில் தான் வழங்கப்பட்டுள்ளது என்பதால் அனைத்து வாடிக்கையாளர்களின் செயலியிலும் இது கிடைக்காது என்றும் கூறப்படுகிறது.

ஃபேஸ்புக் நிறுவனத்தின் அங்கமான வாட்ஸ்அப், இண்ஸ்டாகிராம் மற்றும் மெசேஞ்சர் ஆகியவற்றில் ஏற்கனவே டார்க் மோட் வசதி வந்துவிட்ட நிலையில், ஃபேஸ்புக்கில் மட்டும் இந்தளவு தாமதப்படுவது ஏன் என்பது புரியாத புதிராக உள்ளது. எப்படியும் இந்த ஆண்டுக்குள் அதிகாரப்பூர்வமாக ஃபேஸ்புக்கில் டார்க் மோட் அறிமுகப்படுத்தப்படும் என எதிர்பார்க்கப்படுகிறது.

எஸ். முத்துக்குமார்

மாவட்ட செய்திகள்

Most Popular

சாலை பாதுகாப்பு மாத விழா… வீதிநாடகம் மூலம் விழிப்புணர்வு ஏற்படுத்திய போலீசார்…

திருவள்ளூர் சாலை பாதுகாப்பு மாத விழாவையொட்டி, திருவள்ளூர் போக்குவரத்து காவல்துறையினர், நூதன முறையில் வாகன ஓட்டிகளுக்கு விழிப்புணர்வை ஏற்படுத்தினர். திருவள்ளூர் வட்டாரப்...

திமுக எடுத்த அஸ்திரம்… தமிழகத்திலும் தட்டுத்தடுமாறும் காங்கிரஸ்

திமுக எடுத்த அஸ்திரத்தால் புதுச்சேரியில் மட்டுமல்லாது தமிழகத்திலும் தட்டுத்தடுமாறுகிறது காங்கிரஸ் என்றும், கூட்டணியில் இருந்தாலும் சுயமாக சில முடிவுகளை எடுக்கும் காங்கிரஸ் தற்போது திமுகவை மீறி எந்த செயலையும் செய்ய...

வரலாறு காணாத உச்சத்தில் பங்குச்சந்தை; ஆய்வாளர்கள் கூறும் 5 காரணங்கள்!

வரலாறு காணாத அளவிற்கு மும்பை பங்குச்சந்தை குறியீடான சென்செக்ஸ் 50 புள்ளிகளைக் கடந்து சாதனை படைத்துள்ளது. வர்த்தகம் தொடங்குவதற்கு முன்பே 50 ஆயிரம் புள்ளிகளைக் கடந்திருந்தது கவனிக்கத்தக்கது. ரிலையன்ஸ், பஜாஜ்...

பள்ளிக்கு சென்ற 10ஆம் வகுப்பு மாணவனுக்கு கொரோனா: பள்ளி மூடல்!

சேலம் அருகே பள்ளிக்கு சென்ற மாணவனுக்கு கொரோனா உறுதியாகி இருப்பதால், பள்ளி மூடப்பட்டுள்ளது. சேலம் கருமந்துறை அருகே, கிருஷ்ணாபுரம் மாதிரி பள்ளிக்கு சென்ற தும்பல் பகுதியை...
Do NOT follow this link or you will be banned from the site!