பசும்பொன் முத்திராமலிங்க தேவரின் குருபூஜை விழாவையொட்டி, திண்டுக்கல்லில் நேற்று அகில இந்திய பார்வர்டு பிளாக் கட்சி சார்பில் அஞ்சலி செலுத்தும் நிகழ்ச்சி நடைபெற்றது.
தனியார் ஓட்டலில் நடந்த இந்த நிகழ்ச்சியில் அக்கட்சியின் பொதுச்செயலாளர் கதிரவன், திமுக துணை பொதுச்செயலாளர் ஐ.பெரியசாமி உள்ளிட்டோர் கலந்துகொண்டு தேவர் உருவ படத்திற்கு மலர்தூவி மரியாதை செலுத்தினர்.
இந்த நிகழ்ச்சியில், காங்கிரஸ், மதிமுக, கொங்குநாடு தேசிய மக்கள் கட்சி, ஐ.யூ.எம்.எல் உள்ளிட்ட கூட்டணி கட்சி நிர்வாகிகள் கலந்துகொண்டனர். இந்த கூட்டத்தில் மதுரை விமானநிலையத்திற்கு முத்துராமலிங்க தேவரின் பெயரை சூட்டவேண்டுமென கோரிக்கை விடுக்கப்பட்டது.
