Home சினிமா வொர்க் அவுட் ஆச்சு... சூர்யா போட்ட கணக்கு!

வொர்க் அவுட் ஆச்சு… சூர்யா போட்ட கணக்கு!

‘எதிர்மறையாக’கத்தான் இந்த விவகாரத்தை எடுத்துக்கொள்வார்கள் என்று தெரிந்தேதான், ‘நேர்மறையாக’ என்று சூர்யா குறிப்பிட்டிருக்கிறார். அவர் போட்ட கணக்கு வொர்க் அவுட் ஆகியிருக்கிறது. எதிர்மறையாகவே இந்த விவகாரத்தை எடுத்துக்கொண்டு, சூர்யாவை பாஜக பலி வாங்குகிறது என்ற பேச்சு எழுந்திருக்கிறது.


நீட் தேர்வு, புதிய கல்விக்கொள்கைக்கு எதிரான சூர்யாவின் கருத்துகள் டெல்லி வரை ஒலித்தது. அதன் எதிரொலிதான் இது என்கிறார்கள்.

இம்மாத இறுதியில் ‘சூரரைப்போற்று’படம் ஓடிடியில் வெளியாவதாக இருந்த நிலையில், திட்டமிட்டபடி அக்டோபர் 30ம் தேதி இப்படம் வெளியாகாது என்று சூர்யா அறிவித்திருக்கிறார்.

படம் ரிலீஸ் ஆவதற்கு எட்டு நாட்களுக்கு முன்பே சூர்யா இப்படி பரபரப்பு அறிக்கை வெளியிட்டிருப்பது பல்வேறு கேள்விகளை எழுப்பி இருக்கிறது. திட்டமிட்ட நாளில் படம் ரிலீஸ் ஆகாமல் போனால்தான் அதுகுறித்து பேசுவார்கள். ஆனால், எட்டு நாட்களுக்கு முன்பே சூர்யா சொல்லி இருப்பதால், எட்டு நாட்களுக்குள் அனுமதி கிடைக்க வாய்ப்பில்லை என்று தெரிந்திருக்கிறதா?அல்லது இப்படி அறிக்கை விட்டால் அது பரபரப்பாகி அனுமதி கிடைத்துவிடும் என்று நினைக்கிறாரா என்ற பேச்சு எழுந்திருக்கிறது.

துரதிர்ஷ்டவசமாக, இப்படத்தின் வெளியீடு தாமதமாகிறது. என்னுடைய நலம் விரும்பிகள் இதை அன்புடனும், நம்பிக்கையுடனும் நேர்மறையாக எடுத்துக் கொள்வார்கள் என்று தனிப்பட்ட முறையில் நம்புகிறேன் என்று சூர்யா அறிக்கையில் குறிப்பிட்டிருக்கிறார்.

இந்த அறிக்கை மூலமாக ரசிகர்கள் எதிர்மறையாக சிந்திப்பார்கள் என்று தெரிந்துதான், ’நேர்மறையாக’ எடுத்துக்கொள்ள வேண்டும் என்று அவர் கேட்டுக்கொண்டுள்ளார். இன்னும் சொல்லப்போனால், எதிர்மறையாக நினைத்துக்கொள்ளுங்கள் என்பதைத்தான் அப்படி சொல்லி இருக்கிறார் என்கிறார்கள்.

‘’இதனால் ஆவேசம் கொண்டு நம் தோழர்கள் எல்லோரும் அங்கே குவிந்து கிடக்கும் கற்களை எடுத்து அவர்கள் மீது வீசக்கூடாது ‘’என்று தோழர் ஜீவா பேசும்போது, தோழர்கள் ஓடிச்சென்று கற்களை எடுத்து வீசிவிடுவார்கள். இன்னபிற தலைவர்களும் இதே போலத்தான், வீசக்கூடாது என்பார்கள். ஆனால், வீசிக்கொண்டிருப்பார்கள். செய்யக்கூடாது என்று சொன்னால் செய்ய வேண்டும். செய்ய வேண்டும் என்பதைத்தான் செய்யக்கூடாது என்று சொல்லுவார்கள். இது ஒரு அரசியல் கணக்கு. இந்த கணக்கு எல்லாம் சூர்யாவுக்கு தெரியாதா என்ன?

மாவட்ட செய்திகள்

Most Popular

‘அழிவின் விளிம்பில் கோவில்கள்’ : பக்தர்களிடம் ஒப்படைக்க சத்குரு வலியுறுத்தல்!

கோவில்களை பாதுகாக்க பக்தர்களிடம் ஒப்படைக்க வேண்டுமென ஈஷா அறக்கட்டளை நிறுவனர் சத்குரு வலியுறுத்தியுள்ளார். இது தொடர்பாக அவர் தனது ட்விட்டர் பக்கத்தில் வெளியிட்டுள்ள பதிவில், 11,999...

விசைப்படகு சிறைபிடிப்பை கண்டித்து, தூத்துக்குடி துறைமுக மீனவர்கள் வேலைநிறுத்தம்!

தூத்துக்குடி இடிந்தகரை மீனவர்களால் படகு சிறைபிடிக்கப்பட்டதை கண்டித்து, தூத்துக்குடி துறைமுக மீனவர்கள் இன்று வேலைறுத்தப் போராட்டத்தில் ஈடுபட்டனர். தூத்துக்குடி மீன்பிடி துறைமுகத்தில்...

இலவச கொரோனா தடுப்பூசிக்கான Co-WIN 2.0 செயலி: எவ்வாறு பதிவுசெய்வது? – முழு விவரம் உள்ளே!

நாடு முழுவதும் தடுப்பூசி செலுத்துவதற்கான முதற்கட்டம் ஜனவரி 16ஆம் தேதி ஆரம்பித்தது. முன்களப் பணியாளர்களும் சுகாதாரத் துறையினரும் தடுப்பூசி போட்டுக்கொண்டனர். தற்போது இவர்களுக்கு இரண்டாவது டோஸ் போடப்பட்டுவருகிறது. இந்த முதற்கட்ட...

இது வேற லெவல் அரசியல் ; ரஜினிக்கு நன்றி சொன்ன அர்ஜூனமூர்த்தி

ரஜினிகாந்த் கட்சி தொடங்கப்போவதாக சொன்னதும் பாஜகவில் இருந்து விலகி வந்தார் அர்ஜூனமூர்த்தி. அவருக்கு, ஒருங்கிணைப்பாளர் என்ற பொறுப்பும் கொடுத்தார் ரஜினிகாந்த். ஆனால், சில காரணங்களால் ரஜினி கட்சி தொடங்கவில்லை என்று,...
TopTamilNews