தமிழ்நாட்டில் கடந்த 2020-2021-ம் கல்வியாண்டில் 10-ம் வகுப்பு படித்த மாணவர்களுக்கு கொரோனா பேரிடரைக் கருத்தில் கொண்டு ஆல் பாஸ் வழங்கப்பட்டது.10-ம் வகுப்பு மாணவர்களுக்கு இதுவரை மதிப்பெண் கணக்கிட்டு வழங்கப்படாத நிலையில், 11-ம் வகுப்பு மாணவர் சேர்க்கைக்கான வழிகாட்டுதல்களை பள்ளிக் கல்வித் துறை வெளியிட்டது. அதன்படி, பள்ளி அளவில் தேர்வு நடத்தி மாணவர்கள் சேர்க்கை நடத்தவேண்டுமென தமிழக அரசு உத்தரவிட்டது.
இந்நிலையில் 11 ஆம் வகுப்பு சேர்க்கைக்கான நுழைவுத்தேர்வை ரத்து செய்து தமிழக அரசு உத்தரவிட்டுள்ளது. 9 ஆம் வகுப்பு மதிப்பெண் அடிப்படையில் 11 ஆம் வகுப்பு சேர்க்கை நடத்தலாம் என பள்ளிக்கல்வித்துறை உத்தரவிட்டுள்ளது. நுழைவுத் தேர்விற்கு கடும் எதிர்ப்புகள் கிளம்பிய நிலையில் தேர்வை பள்ளிக்கல்வித்துறை ரத்து செய்துள்ளது.