“பகலிலேயே வருவோம் ,கூட்டத்திலேயே நுழைவோம்” -சிறுவர்கள் மூலம் வங்கியில் திருடும் கும்பல்

ஒரு வங்கியில் பட்ட பகலில் , கூட்ட நெரிசலில் 11 வயது சிறுவன் மூலம் ஒரு கும்பல் 20 லட்ச ரூபாய் பணத்தை கொள்ள்ளையடித்து சென்றுள்ள சம்பவம் அந்த பகுதியில் பரபரப்பையுண்டு பண்ணியுள்ளது.

ஹரியானா மாநிலம் ஜிந்தில் உள்ள பஞ்சாப் நேஷனல் வங்கியின் ஒரு கிளையில் ஒரு 11 வயது சிறுவன் மூலம் ஒரு கூட்டம் ரூ .20 லட்சம் திருடியுள்ளது . அந்த வங்கி கிளையில் நுழைந்த சிறுவன்,வங்கி ஊழியர்களிடம் தன் மீது எந்த சந்தேகமும் வராமல் ஒரு மூட்டை பணத்துடன் தப்பிச் சென்றுள்ளான் .

மனோவர் மற்றும் ரவீந்தர் என்ற அந்த இரண்டு சிறுவர்கள் சம்பவம் நடந்த அன்று ,ஜிந்தில் உள்ள மாவட்ட ஊரக வளர்ச்சி ஆபீசுக்கு முன்னால் அமைந்துள்ள பி.என்.பி கிளைக்குள் நுழைந்தார்கள் . அப்போது அவர்கள் காசாளர் தனது அறையை விட்டு வெளியேறிம் வரை காத்திருந்தனர் .சிறிது நேரம் கழித்து காசாளர் வெளியேறியபோது ​​11 வயது சிறுவன் அவரின் அறைக்கு உள்ளே நுழைந்து, அவர் வைத்திருந்த பண மூட்டைகளை எடுத்துச் சென்றுள்ளான்
அன்று மாலையில், வங்கி ஊழியர்கள் ,அன்று வசூலான பணத்தை எண்ணி பார்த்தனர் . அப்போது அவர்கள் கணக்கில் ரூ .20 லட்சம் குறைவதை கண்டறிந்தனர் .பிறகு ,சி.சி.டி.வி காட்சிகளை பரிசோதித்தபோது, ​​11 வயது சிறுவன் பணத்துடன் வங்கியில் இருந்து வெளியேறுவதை பார்த்து அதிர்ச்சியுற்று , போலீசாருக்கு தகவல் கொடுத்தனர் .

போலீஸ் விசாரணையில் அந்த சிறுவன் தலா ரூ .5 லட்சம் கொண்ட நான்கு மூட்டைகளை திருடி தப்பி ஓடிவிட்டதாக வங்கி மேலாளர் விஸ்வஜித் சின்ஹா ​​தெரிவித்தார். சம்பவம் நடந்த நாளில் வங்கியில் கூட்டம் இருந்ததால், காசாளர் வெளியேறும்போது தனது அறையை பூட்ட மறந்துவிட்டார் என்றும் ,
மேலும் அவர் வாஷ்ரூமுக்குச் செல்வதற்கு முன்பு தனது அறையை பூட்டியிருக்க வேண்டும் என்று கூறினார். இந்த வழக்கு குறித்து போலீசார் அந்த இடத்தை பார்வையிட்டு விசாரணையைத் தொடங்கினர்.