விஜய்சேதுபதியுடன் கேரவனில் நடனம் ஆடும் காயத்ரி: வைரலாகும் வீடியோ!
சூப்பர் டீலக்ஸ் படத்தின் போது எடுக்கப்பட்ட வீடியோ ஒன்று சமூக வலைதளங்களில் வேகமாகப் பரவி வருகிறது.
சென்னை: சூப்பர் டீலக்ஸ் படத்தின் போது எடுக்கப்பட்ட வீடியோ ஒன்று சமூக வலைதளங்களில் வேகமாகப் பரவி வருகிறது.
ஆரண்யகாண்டம் படத்திற்குப் பிறகு எட்டு ஆண்டுகள் கழித்து தியாகராஜன் குமாரராஜாவின் இயக்கத்தில் வெளிவந்துள்ள இரண்டாவது படம் சூப்பர் டீலக்ஸ். இந்த படத்தில் விஜய் சேதுபதி ஷில்பா என்ற பெயரில் திருநங்கையாக நடித்திருக்கிறார். மேலும் சமந்தா, ஃபகத் ஃபாசில், மிஷ்கின் உள்ளிட்ட நடிகர்களும் படத்தில் நடித்துள்ளனர். இந்த படம் குறித்து கலவையான விமர்சனங்கள் வந்திருக்கின்றன.
இந்நிலையில் நடிகை காயத்ரி தனது இன்ஸ்ட்ராகிராம் பக்கத்தில் வீடியோ ஒன்றை வெளியிட்டார். அதில் பன்னீர் புஷ்பங்கள் படத்தில் இடம்பெற்ற பூந்தளிராட என்ற பாடலுக்கு விஜய் சேதுபதி மற்றும் காயத்ரி இருவரும் நடனமாடியுள்ளனர். மேலும் அந்த பதிவில் படத்தில் தங்களது கதாபாத்திரத்துக்குள் இப்படித் தான் வந்தோம் என்று காயத்ரி குறிப்பிட்டுள்ளார்.
விஜய் சேதுபதி , காயத்ரி நடனமாடும் இந்த வீடியோவானது தற்போது சமூகவலைதளங்களில் வைரலாகி வருகின்றது.
முன்னதாக பிரபல ஒளிப்பதிவாளரும் நடிகருமான நட்ராஜ் சூப்பர் டீலக்ஸ் திரைப்படத்தை, அசிங்கங்களையும் அவலங்களையும் போற்றுவது தான் தரமா? என்று விமர்சித்து இருந்தது குறிப்பிடத்தக்கது.
இதையும் வாசிக்க: நல்லது நடக்கும் என்று நம்புகிறேன்: நடிகர் விஜய் சேதுபதி