மூக்குத்தி அம்மன் படத்தின் அப்டேட்! ஆர்ஜே பாலாஜியின் அசத்தல் ட்வீட்
LKG படம் மூலம் கதாநாயகனாக அறிமுகமான ஆர்ஜே பாலாஜி, இப்பொது மூக்குத்தி அம்மன் படம் மூலம் இயக்குனராகவும் அவதாரம் எடுக்கிறார்
LKG படம் மூலம் கதாநாயகனாக அறிமுகமான ஆர்ஜே பாலாஜி, இப்பொது மூக்குத்தி அம்மன் படம் மூலம் இயக்குனராகவும் அவதாரம் எடுக்கிறார்.
ஆர்ஜே பாலாஜி நடித்து வெளியான LKG படம் நல்ல வரவேற்பைப் பெற்றது. இந்த படத்திற்கு அனைத்து வேலைகளையும் செய்தவர் இவர்தான். இயக்குவதற்கு மட்டும் வேறு நபர் வைத்துக்கொண்டார். இப்போது மூக்குத்தி அம்மன் படத்தில் கதையை எழுதி அதை இயக்கவும் செய்திருக்கிறார்.
இந்த படத்தின் ஷூட்டிங் தமிழகத்தின் பல்வேறு இடங்களில் நடைபெற்றது. பெரும்பாலான காட்சிகள் கன்னியாகுமரியில் படமாக்கப்பட்டன. அப்போது நயன்தாரா தனது காதலரான விக்னேஷ் சிவனுடன் அந்த சுற்று வட்டத்தில் உள்ள அனைத்து கோவில்களுக்கும் சென்று பிரார்த்தனை செய்தனர். அந்த புகைப்படங்கள் அப்போது வைரலாக பேசப்பட்டது.
சமீபத்தில் கவுதம் கார்த்திக் மற்றும் யாஷிகா ஆனந்த் இந்த படத்தில் இணைந்திருப்பதாக தகவல் வந்தது. இதையடுத்து ஆர்ஜே பாலாஜி தனது ட்விட்டர் பக்கத்தில் ஒரு அறிவிப்பு ஒன்றை வெளியிட்டுள்ளார். அதில் “மூக்குத்தி அம்மன் படப்பிடிப்பு இனிதே நிறைவடைந்தது..!!! கோடை விடுமுறையில் அருள் பாலிக்க வருகிறாள் அம்மன்..!” என்று குறிப்பிட்டுள்ளார்.
மூக்குத்தி அம்மன் படப்பிடிப்பு இனிதே நிறைவடைந்தது..!!! ❤️ கோடை விடுமுறையில் அருள் பாலிக்க
வருகிறாள் அம்மன்..! ?? #MookuthiAmman #Summer2020 pic.twitter.com/e28UDveqHS— RJ Balaji (@RJ_Balaji) February 7, 2020
நயன்தாரா மைய கதாபாத்திரமாக நடித்த படங்கள் வரிசையாக தோல்வியை தழுவின. இந்த படம் அவருக்கு கைகொடுக்குமா? என்பதை அறிய கோடை வரை காத்திருங்கள்!