தல அஜித் – சிவா 5வது முறையாக மீண்டும் கூட்டணி அமைத்து ஒரு புதிய படத்தில் இணையுள்ளதாக தகவல் வெளியாகியுள்ளது.
சென்னை: தல அஜித் – சிவா 5வது முறையாக மீண்டும் கூட்டணி அமைத்து ஒரு புதிய படத்தில் இணையுள்ளதாக தகவல் வெளியாகியுள்ளது.
தல அஜித் நான்காவது முறையாக இயக்குநர் சிவாவுடன் கூட்டணி அமைத்து கடந்த மாதம் வெளியான திரைப்படம் விஸ்வாசம். குடும்ப திரைப்படமாக உள்ளதால் மக்கள் மத்தியில் வசூல் மட்டும் விமர்சனம் ரீதியாக நல்ல வரவேற்பைப் பெற்றது. விஸ்வாசம் வெளியாகி இன்றுடன் 50நாள் கடந்த நிலையில் திரையரங்குகளில் வெற்றிகரமாக ஓடிக்கொண்டிருக்கின்றன.
அதையடுத்து தல அஜித் தற்போது ஹெச்.வினோத் இயக்கத்தில் உருவாகும் ‘பிங்க்’ ரீமேக்கில் பிஸியாக நடித்து வருகிறார். போனிகபூர் தயாரிக்கும் இப்படம் வரும் தல பிறந்தநாளான மே 1ம் தேதி வெளியாகவுள்ளதாக அறிவிக்கப்பட்டிருந்தது.
இந்நிலையில் தல அஜித்தின் அடுத்த படத்தை யாரு இயக்குவது என்று தமிழ் சினிமாவில் மிகுந்த போட்டியே நிலவிவருகிறது. அந்த வகையில் இயக்குநர் வெங்கட்பிரபு, ஹெச்.வினோத், விஷ்ணுவர்தன் என பலருடைய பெயர் அடிபடுகிறது. ஆனால், மீண்டும் சிவாவுடன் தான் கூட்டணி என்பது உறுதியாகி இருப்பதாக தகவல்கள் கூறுகின்றன.
அதனை உறுதிப்படுத்தும் விதமாகத் தல அஜித்தின் ‘விஸ்வாசம்’ படத்தின் 50 நாள் வெற்றி விழாவில் கலந்து கொண்ட தயாரிப்பாளர் சத்யஜோதி தியாகராஜன் பேசியதாவது, “நாங்கள் எதிர்பார்த்த வெற்றியை விட, மிகப்பெரிய வெற்றியைக் கொடுத்துள்ளனர். அஜித் சாரை வைத்து மீண்டும் இதே காம்போவில் படம் பண்ண முயற்சி செய்வோம்” என்று தெரிவித்துள்ளார்.
ஏற்கனவே இவர்களின் காம்போவில் உருவான திரைப்படங்களை நினைத்து வருத்தம் அடைந்த தல ரசிகர்களுக்கு இது மேலும் ஒரு அதிர்ச்சியான தகவலாகவே கருதப்படுகிறது.