மாற்றுத் திறனாளி குழந்தைகளுடன் பிறந்தநாளை கொண்டாடிய நடிகை ஐஸ்வர்யா ராஜேஷ் !

 

மாற்றுத் திறனாளி குழந்தைகளுடன் பிறந்தநாளை கொண்டாடிய நடிகை ஐஸ்வர்யா ராஜேஷ் !

சென்னையில் பிறந்து வளர்ந்த நடிகை ஐஸ்வர்யா ராஜேஷ், டிவியில் ஒளிபரப்பான டான்ஸ் ஷோ மூலம் சினிமா துறையில் கால் பதித்தார்.

சென்னையில் பிறந்து வளர்ந்த நடிகை ஐஸ்வர்யா ராஜேஷ், டிவியில் ஒளிபரப்பான டான்ஸ் ஷோ மூலம் சினிமா துறையில் கால் பதித்தார். ஆரம்ப காலகட்டத்தில் ‘அட்டக்கத்தி’ உள்ளிட்ட படங்களில் சின்ன சின்ன கதாபாத்திரத்தில் நடித்து வந்தார்.

ttn

அதன் பிறகு இவர் நடித்த ‘காக்க முட்டை, பண்ணையாரும் பத்மினியும்’ உள்ளிட்ட படங்கள் இவருக்குப் பட வாய்ப்பை அதிகரித்துக் கொடுத்தது. நான் ஹீரோயின் ரோல் மட்டும் தான் நடிப்பேன் என்று இல்லாமல் அம்மா, அக்கா, தங்கை, மகள் என அனைத்து கதாபாத்திரங்களிலும் நடிப்பைப் பிச்சி உதறி வருகிறார் ஐஸ்வர்யா ராஜேஷ். 

ttn

சமீபத்தில் நடிகர் சிவ கார்த்திகேயன் நடிப்பில் வெளியான ‘நம்ம வீட்டு பிள்ளை’ படத்தில் தங்கை கதாபாத்திரத்தில் நடித்திருந்தார். அதே போல ‘கனா’ படத்திலும் தனது நடிப்பை மக்கள் வியக்கும் படி கொடுத்திருந்தார். அந்த படம் மக்களிடையே நல்ல வரவேற்பைப் பெற்றது. இவர் தமிழ் சினிமா மட்டுமல்லாது, தெலுங்கு சினிமாவிலும் விஜய் தேவரகொண்டாவுக்கு ஜோடியாக “வொர்ல்ட் பேமஸ் லவ்வர்” படத்தில் நடித்து வருகிறார். 

tttn

சின்னதிரையில் இருந்து தனது நடிப்புத் திறமையால் வெள்ளித்திரையில் முன்னணி நடிகையாகியுள்ள ஐஸ்வர்யா ராஜேஷுக்கு இன்று 30 ஆவது பிறந்தநாள். இவருக்கு சினிமா பிரபலங்கள், தயாரிப்பு நிறுவனங்கள், ரசிகர்கள் எனப் பல தரப்பினரும் ட்விட்டர் மற்றும் பேஸ் புக்கில் பிறந்தநாள் வாழ்த்துக்கள் தெரிவித்து வருகின்றனர். 

ttn

ஐஸ்வர்யா ராஜேஷ் தனது பிறந்தநாளை ‘ஹோப்’ தொண்டு நிறுவனத்தில் உள்ள மாற்றுத் திறனாளிகளுடன் கொண்டாடியுள்ளார். அங்கு கேக் வெட்டி, அதனை அங்கிருந்த மாற்றுத்திறனாளிகளுக்கு ஊட்டி விட்டு தனது பிறந்தநாளை ஆனந்தமாகக் கழித்துள்ளார்.  

ttn

இது குறித்து பேசிய ஐஸ்வர்யா, இந்த நாள் என் வாழ்நாளில் மறக்க முடியாத நாள் என்று தெரிவித்துள்ளார். அந்த புகைப்படங்கள் தற்போது இணையதளத்தில் வைரலாகி வருகிறது.