சூப்பர் ஸ்டார் ரஜினிகாந்த் நடித்துள்ள ‘பேட்ட’ திரைப்படம் பொங்கல் ரேஸில் இருந்து பின் வாங்கியிருப்பதாக தகவல்கள் தெரிவிக்கின்றன.
சென்னை: சூப்பர் ஸ்டார் ரஜினிகாந்த் நடித்துள்ள ‘பேட்ட’ திரைப்படம் பொங்கல் ரேஸில் இருந்து பின் வாங்கியிருப்பதாக தகவல்கள் தெரிவிக்கின்றன.
சன் பிக்சர்ஸ் தயாரிப்பில் கார்த்திக் சுப்புராஜ் இயக்கியுள்ள ‘பேட்ட’ படத்தில் ரஜினிக்கு ஜோடியாக சிம்ரன், த்ரிஷா ஆகியோர் நடித்துள்ளனர். மேலும், விஜய் சேதுபதி, மேகா ஆகாஷ், நவாசுதீன் சித்திக், பாபி சிம்ஹா, சோமசுந்தரம், சசிக்குமார், சனந்த் ரெட்டி உள்ளிட்ட பலர் நடித்துள்ளனர்.
ராக்ஸ்டார் அனிருத் இசையமைத்துள்ள இப்படத்தின் போஸ்ட் புரொடக்ஷன் பணிகள் விறுவிறுப்பாக நடைபெற்று வரும் நிலையில், இப்படம் பொங்கல் பண்டிகையை முன்னிட்டு ரிலீசாகும் என்று கூறப்பட்டது.
இந்நிலையில், ரஜினிகாந்த் நடித்த ‘2.0’ திரைப்படம் திட்டமிட்டபடி வரும் நவ.29ம் தேதி உலகம் முழுவதும் ரிலீசாகவுள்ளது. ஒன்றரை மாத இடைவெளியில் அடுத்தடுத்து ரஜினி படம் வெளியானால் வசூலில் பாதிப்பு இருக்கலாம் என்ற காரணத்தால் ‘பேட்ட’ படத்தின் ரிலீஸை தள்ளிவைக்க படக்குழு திட்டமிட்டுள்ளதாக கூறப்படுகிறது.
பொங்கல் பண்டிகைக்கு ‘பேட்ட’ திரைப்படம் ரிலீஸ் இல்லை என்றால் பிப்ரவரி அல்லது ஏப்ரல் மாதத்திற்கு தள்ளிப்போகும் என்று எதிர்ப்பார்க்கப்படுகிறது. ஆகையால் பொங்கல் பண்டிகைக்கு சோலோவாக தல அஜித் நடித்துள்ள ‘விஸ்வாசம்’ திரைப்படம் ரிலீசாகும் என்று எதிர்ப்பார்க்கப்படுகிறது.