‘தோனிக்கு அவுட் கொடுத்த அம்பயர் தூக்கு போட்டுட்டு செத்துடுவான்’ : கதறி அழும் சிறுவனின் வைரல் வீடியோ!
ஐபிஎல் தொடரின் இறுதிப் போட்டியில் தோனி அவுட் ஆனதால், சிறுவன் கதறி அழும் வீடியோ ஒன்று வைரலாகி வருகிறது.
சென்னை: ஐபிஎல் தொடரின் இறுதிப் போட்டியில் தோனி அவுட் ஆனதால், சிறுவன் கதறி அழும் வீடியோ ஒன்று வைரலாகி வருகிறது.
ஐபிஎல் தொடரின் மிக முக்கிய போட்டியான இறுதிப் போட்டி ஹைதராபாத்தில் நேற்று நடைபெற்றது. பரபரப்பான திக்…திக் நிமிடங்களுக்கு மத்தியில் மும்பை அணி 1 ரன் வித்தியாசத்தில் சென்னையை வீழ்த்தியது. வெற்றி பெற்ற மும்பை அணிக்கு 20 கோடி மற்றும் கோப்பையும், 2-ம் இடம் பிடித்த சென்னைக்கு 12 கோடியே 50 லட்சம் ரூபாய்க்கான காசோலையும் வழங்கப்பட்டது.
இதனிடையே பெரிதும் எதிர்பார்க்கப்பட்ட இறுதி ஆட்டத்தில் தோனி ரன் அவுட் ஆனார். அவுட் இல்லை என்று நினைத்திருந்த நிலையில் நீண்ட ஆலோசனைக்குப் பிறகு, 3-வது நடுவர் தோனிக்கு அவுட் வழங்கினார். மூன்றாவது அம்பயர் கொடுத்த தீர்ப்பு தவறு என்று சிஎஸ்கே ரசிகர்கள் குற்றம்சாட்டி வருகின்றனர். இது வேண்டுமென்றே கொடுக்கப்பட்ட அவுட் என்றும் கருத்து கூறி வருகின்றனர்.
?????
Forever #Csk pic.twitter.com/MHfR821RSm— கெட்ட பய ? (@Thala_Fan_Siva) May 13, 2019
இந்நிலையில் தோனி அவுட் ஆனதால் சிறுவன் ஒருவன் கதறி அழும் வீடியோ சமூகவலைதளங்களில் வெளியாகியுள்ளது. அதில், சிறுவனின் அம்மா அவனுக்கு சமாதானம் சொல்ல, அதை ஏற்க மறுத்த சிறுவன், ‘தோனி அவுட்டே இல்ல , அவுட்டுன்னு குடுக்குறான். மூணாவது அம்பயர் தூக்கு போட்டுக்கிட்டு செத்துடுவான்’ என்று கூறிக்கொண்டே தேம்பி தேம்பி அழுகிறான். இந்த வீடியோ தற்போது வைரலாகி வருகிறது.