தென்னாப்பிரிக்கா இந்தியா இரு அணிகள் மோதும் டி20 தொடருக்கான இந்திய அணியை பிசிசிஐ அறிவித்துள்ளது.
மேற்கிந்தியத் தீவுகள் சுற்றுப் பயணம் மேற்கொண்டுள்ள இந்திய அணி டெஸ்ட் தொடர் முடிந்த பிறகு இந்தியா திரும்புகிறது. இந்தியா திரும்பிய ஒரே வாரத்தில் தென் ஆப்பிரிக்கா அணிக்கு எதிரான டி20 தொடரில் இந்திய அணி ஆட இருக்கிறது.
செப்டம்பர் 15ம் தேதி முதல் டி20 போட்டி துவங்குகிறது. 3 டி20 போட்டிகள் கொண்ட இந்த தொடருக்கான இந்திய அணியை பிசிசிஐ நிர்வாகம் நேற்று அதிகாரபூர்வ ட்விட்டர் பக்கத்தில் வெளியிட்டது. மேலும், இதனை பத்திரிகையாளர்கள் சந்திப்பில் இந்திய அணியின் தேர்வுக்குழு தலைவர் எம்எஸ்கே பிரசாத் பட்டியலிட்டார்.
இரண்டு மாதங்கள் இராணுவ பணிக்காக சென்றுள்ள முன்னாள் கேப்டன் எம் எஸ் தோனி இந்த தென்னாப்பிரிக்க தொடரிலும் இடம்பெறவில்லை. அதேபோல் தற்போது மேற்கிந்திய தீவுகள் அணிக்கு எதிராக சிறப்பாக செயல்பட்டு வரும் உலகின் நம்பர் 1 வீரரான பும்ரா தென்னாப்பிரிக்காவுக்கு எதிரான டி20 தொடரில் ஓய்வு அளிக்கப்பட்டு உள்ளார்.
தென் ஆப்பிரிக்காவுக்கு எதிரான 3 டி20 போட்டியில் ஆடும் இந்திய வீரர்களின் பட்டியல்:
ரோஹித் சர்மா, ஷிகர் தவான், விராட் கோஹ்லி, கே.எல் ராகுல், ஸ்ரேயஸ் ஐயர், மணிஷ் பாண்டே, ரிஷப் பண்ட், ஹர்திக் பாண்டியா, ரவீந்திர ஜடேஜா, க்ரூணல் பாண்டியா, வாசிங்டன் சுந்தர், ராகுல் சாஹர், கலீல் அஹமது, தீபக் சாஹர், நவ்தீப் சைனி.