அஜித்தின் எதிர்கால திட்டம் இது தான் என்று புட்டுப்புட்டு வைத்த பாண்டே மீது தல அஜித் கோபத்தில் உள்ளதாகக் கோலிவுட் வட்டாரத்தில் பேசப்படுகிறது.
அஜித்தின் எதிர்கால திட்டம் இது தான் என்று புட்டுப்புட்டு வைத்த பாண்டே மீது தல அஜித் கோபத்தில் உள்ளதாகக் கோலிவுட் வட்டாரத்தில் பேசப்படுகிறது.
பாலிவுட்டில் வெளியான பிங்க் திரைப்படத்தில் நடிகர் அமிதாப் பச்சான், டாப்ஸி ஆகியோர் நடித்திருந்தனர். இப்படம் மாபெரும் வரவேற்பைப் பெற்றதையடுத்து, தமிழில் நேர்கொண்ட பார்வை என்ற பெயரில் ரீமேக் செய்யப்பட்டுள்ளது. இயக்குநர் வினோத் இயக்கம் இப்படத்தில், அஜித் வழக்கறிஞராக நடித்துள்ளார். மேலும் இவருடன், நடிகை வித்யா பாலன், ஷ்ரத்தா ஸ்ரீநாத், அபிராமி, ஆதிக் ரவிச்சந்திரன், டெல்லி கணேஷ், ரங்கராஜ் பாண்டே உள்ளிட்டோரும் முக்கிய கதாபாத்திரங்களில் நடித்துள்ளனர்.இப்படத்தை மறைந்த நடிகை ஸ்ரீதேவியின் கணவர் போனி கபூர் படத்தைத் தயாரிக்கிறார். யுவன் ஷங்கர் ராஜா இசையமைக்கிறார். இப்படம் வரும் ஆகஸ்ட் 10-ம் தேதி படம் திரைக்கு வரவுள்ளது.
இந்த படத்தின் படப்பிடிப்பிற்காக 15 நாட்கள் அஜித்துடன் பயணித்த பத்திரிகையாளர் ரங்கராஜ் பாண்டே சமீபத்தில் அஜித் குறித்த வீடியோ ஒன்றை வெளியிட்டிருந்தார். அதில், ‘விளையாட்டு மட்டுமே இளைஞர்களை ஆக்கப்பூர்வமான மனநிலைக்கு அழைத்துச் செல்லும் என்று தீர்க்கமாக நம்புகிறார் அஜித் . இதனால் உலகம் முழுவதும், இந்தியாவும், தமிழகமும் போற்றும் வகையில் ஸ்போர்ட்ஸ் அகாடமி ஒன்றை உருவாக்கும் முயற்சியில் ஈடுபட்டுள்ளார். இந்திய தமிழக இளைஞர்கள் பயன்பெறும் வகையில் இந்த ஸ்போர்ட்ஸ் அகாடமி அமைய வேண்டும் என்று நினைக்கிறார். இதை அவர் என்னிடம் சொல்லவில்லை. நான் அவரை கவனித்ததை வைத்து கூறுகிறேன்’ என்று கூறியிருந்தார்.
ரங்கராஜ் பாண்டேவின் இந்த வீடியோவிற்கு அஜித் ரசிகர்கள் தரப்பில் நல்ல வரவேற்பு கிடைத்தாலும், அஜித்தின் மனநிலை எப்படி இருக்கிறது என்று தெரிந்து கொள்வதில்லையே பலரும் ஆர்வம் காட்டி வருகின்றனர். ஆனால் அஜித்தை பற்றி நல்ல விதமாய் ரங்கராஜ் பாண்டே கூறி இருந்தாலும் அது அஜித்துக்கு எரிச்சலையூட்டி உள்ளதாகத்தான் நம்ப தகுந்த வட்டாரங்கள் தெரிவிக்கின்றன. ரகசியமாகத் தான் வைத்திருக்கும் ஒருசில விஷயங்களை இப்படி பொதுவெளியில், விளம்பரத்திற்காகக் கூறுவது அஜித்துக்கு அறவே பிடிக்காதாம். அதனால் தான் பேசும் போது வெளிப்படுத்திய சில விஷயங்களை ஒன்றாக கோர்த்து தன் எதிர்கால திட்டத்தை இப்படி போட்டுடைத்து விட்டாரே என்று பாண்டே மீது கடுப்பில் உள்ளாராம் தல….