பெரும்பாலான தாய்மார்கள் குழந்தைப் பிறந்ததும், முழு அக்கறையையும் குழந்தையின் மீது செலுத்தி, அவர்களது ஆரோக்கியத்தை காக்க மறந்து போய் விடுகிறார்கள். தாய்ப்பால் கொடுக்கும் தாய்மார்கள் குழந்தைகளின் அக்கறையில் மட்டுமல்ல, தன்னுடைய ஆரோக்யம் குறித்து அக்கறை செலுத்த வேண்டியது அவசியம்.
பெரும்பாலான தாய்மார்கள் குழந்தைப் பிறந்ததும், முழு அக்கறையையும் குழந்தையின் மீது செலுத்தி, அவர்களது ஆரோக்கியத்தை காக்க மறந்து போய் விடுகிறார்கள். தாய்ப்பால் கொடுக்கும் தாய்மார்கள் குழந்தைகளின் அக்கறையில் மட்டுமல்ல, தன்னுடைய ஆரோக்யம் குறித்து அக்கறை செலுத்த வேண்டியது அவசியம்.
குழந்தையைப் பெற்றெடுத்த தாய்மார்களுக்கு குழந்தை பிறப்பின் பிறகு நிச்சயமாக கால்சியம் சத்துள்ள பொருட்களை எடுத்துக் கொள்ள வேண்டும்.
குழந்தையின் ஆரோக்கியமான வளர்ச்சிக்கு ஆரம்ப நாட்களில் நிறைய கால்சியம் தேவைப்படும். பால் கொடுக்கும் தாய்மார்கள் எடுத்துக் கொள்ளும் உணவில் கால்சியம் இல்லாவிட்டால், பிற்காலத்தில் எலும்பு முறிவுகள் ஏற்படும் அபாயம் உள்ளது. நாள் ஒன்றுக்கு கட்டாயம் குறைந்தபட்சமாக 1,000 மி.கி., கால்சியத்தை பால் கொடுக்கும் தாய்மார்கள் எடுத்துக் கொள்ள வேண்டும்.
பால், தயிர், சீஸ், பால் பொருட்கள் போன்றவற்றை உணவில் சேர்த்துக் கொள்வது ஆரோக்கியமான தாய்ப்பாலின் முக்கிய பகுதியாகும். எலும்புகளை வலுப்படுத்த உதவும் வைட்டமின் டி சத்துக்களையும் பால் வழங்குகிறது. புரதம் மற்றும் வைட்டமின் பி யை வழங்குவதோடு மட்டுமல்லாமல், பால் பொருட்கள் கால்சியத்தின் சிறந்த ஆதாரங்களில் ஒன்றாகவும் திகழ்வதால் தாய்ப்பால் கொடுக்கும் தாய்மார்கள் கட்டாயம் உணவில் சேர்த்துக் கொள்ள வேண்டும்.