தர்பூசணி விதைகள் உண்ணக் கூடியவை மற்றும் ஆரோக்கியமானவை – அவற்றை எவ்வாறு உண்பது?

தர்பூசணி விதைகளின் நன்மைகள் என்ன, அந்த விதைகளை நீங்கள் எப்படி உண்ணலாம் என்று யோசிக்கிறீர்களா? மேற்கொண்டு படியுங்கள்.

தர்பூசணி பழங்களை சாப்பிடும்போது நாம் அதன் விதைகளை துப்பி விடுவோம். அது நிராகரிக்கப்பட வேண்டிய ஒன்றாக நீண்ட காலமாக கருதப்படுகிறது. ஆனால், தர்பூசணி விதைகள் உண்ணக் கூடியவை என்பது பலருக்கு தெரியவில்லை. அதை சாப்பிடுவதால் உங்கள் வயிற்றுக்குள் செடி ஒன்றும் வளர்ந்து விடாது. சொல்லப் போனால் தர்பூசணி விதைகள் உங்கள் ஆரோக்கியத்தை அதிகரிக்கும்.

தர்பூசணி விதைகளின் நன்மைகள் என்ன, அந்த விதைகளை நீங்கள் எப்படி உண்ணலாம் என்று யோசிக்கிறீர்களா? மேற்கொண்டு படியுங்கள்.

தர்பூசணி விதைகளில் கலோரி எண்ணிக்கை மிகவும் குறைவாக உள்ளது. மேலும் பொட்டாசியம், மெக்னீசியம், இரும்பு, ஃபோலேட் மற்றும் துத்தநாகம் போன்ற பல நுண்ணூட்டச் சத்துக்கள் அதில் நிறைந்துள்ளன. இவை அனைத்தும் உடலுக்கு முக்கியமான சத்துக்களாகும். தர்பூசணி விதைகள் நோய் எதிர்ப்பு சக்தியை அதிகரிக்கும் என்று கூறப்படுகிறது. அதில் மெக்னீசியம் இருப்பதால், உயர் இரத்த அழுத்தம் மற்றும் இரத்த அழுத்தத்தை கட்டுக்குள் வைக்க தர்பூசணி விதைகள் பயன்படுகிறது.

தாமிரம், மாங்கனீசு மற்றும் பொட்டாசியம் ஆகிய சத்துக்கள் தர்பூசணி விதையில் இருப்பதால் அவற்றை உண்பதால் உங்கள் எலும்புகள் வலிமையாகும். இந்த தாதுக்கள் அனைத்தும் ஒன்றாக இணைந்து எலும்பு அடர்த்தியை மேம்படுத்துகின்றன. இதில் உள்ள நுண்ணூட்டச் சத்துக்கள் வளர்சிதை மாற்றத்தையும் அதிகரிக்கும். அதுமட்டுமில்லாமல் தர்பூசணி விதையில் அமினோ அமிலங்கள், புரதங்கள் மற்றும் வைட்டமின் பி ஆகியவை நிறைந்துள்ளன.

தர்பூசணி விதைகளை உண்பதால் நம்முடைய தோலுக்கும், முடிக்கும் அது நன்மை கொடுக்கிறது. அதில் உள்ள புரதங்களும், இரும்பு சத்தும் முடியின் தரத்தை மேம்படுத்துகிறது. தர்பூசணி விதைகளில் உள்ள ஆன்டிஆக்ஸிடன்ட்கள் சருமத்தை இளமையாக வைக்க உதவுகிறது. தர்பூசணி விதை எண்ணெய் அழகு சாதனப் பொருட்களின் முக்கிய பொருட்களில் ஒன்றாக பயன்படுத்தப்படுகிறது.

தர்பூசணி விதைகளை எவ்வாறு உண்பது?

* முதலில் விதைகளை தர்பூசணி பழத்திலிருந்து எடுத்து வெயிலில் காய வைக்க வேண்டும்.

* பின்னர் அவற்றை வறுத்து காற்று புகாத டப்பாவில் சேமித்து வைக்கவும்.

* பின்னர் ஸ்நாக்ஸ் போல அவற்றை உண்ணலாம்.

* இந்த வறுத்த தர்பூசணி விதைகளை சாலட்களிலும் பயன்படுத்தலாம். மேலும் அதை தூளாக்கியும் உணவில் தூவி சாப்பிடலாம்.