தந்தையர் தினத்துக்கு பிரிட்டிஷ் ஏர்வேஸ் நிறுவனம் அளித்த பரிசு!

 

தந்தையர் தினத்துக்கு பிரிட்டிஷ் ஏர்வேஸ் நிறுவனம் அளித்த பரிசு!

தந்தையர் தினத்தை முன்னிட்டு, பிரிட்டிஷ் ஏர்வேஸ் நிறுவனம் தனது நிறுவனத்தில் பணியாற்றும் தந்தை, மகன், மகள்களுக்கு இன்ப அதிர்ச்சி தந்தது.

தந்தையர் தினத்தை முன்னிட்டு, பிரிட்டிஷ் ஏர்வேஸ் நிறுவனம் தனது நிறுவனத்தில் பணியாற்றும் தந்தை, மகன், மகள்களுக்கு இன்ப அதிர்ச்சி தந்தது.

அன்னையர் தினம் எப்போதுமே பெரும் பரபரப்புக்கிடையே கொண்டாடப்பட்டு வருகிறது. அதைக் கொண்டாடி முடித்த கையுடன் ஜூன் மாதம் மற்றொரு முக்கிய தினம் வரும். குடும்பத்தில் இருக்கும் முக்கியமான நபரைச் சிறப்பிக்கும் நாள் அது. தந்தையர் தினம் ஜூன் மாதத்தின் மூன்றாவது ஞாயிற்றுக்கிழமையன்று வருவது வழக்கம். இவ்வாண்டு ஜூன் 16ஆம் தேதியன்று தந்தையர் தினம் வருகிறது. 

இதையொட்டி பிரிட்டிஷ் ஏர்வேஸ் நிறுவனத்தில் உலகின் பல நாடுகளில், பல நேர வித்தியாசத்தில், பணியாற்றும் தந்தை மற்றும் மகன், மகள் பட்டியலை சேகரித்தது. அவர்களுக்கே தெரியாமல் ஹீத்ருவில் இருந்து சான் டியாகோ வரை பயணிக்கும் விமானத்துக்கான குழுவில் அவர்களை பணியமர்த்தியது. பணிக்கு வந்து பார்த்தப்போது அப்பாவுடன் பணியாற்றப்போவதை நினைத்து மகனும், மகனுடன் பணியாற்ற போகும் தந்தையும் நெகிழ்ச்சியடைந்தனர்.  செக் இன் கவுன்டர் முதல், வாடிக்கையாளர் சேவை, பைலட் என மொத்த குழுவுமே தந்தை மகன், அல்லது தந்தை மகளாகவே அமைந்தது. தங்கள் தந்தையின் பணியால் ஈர்க்கப்பட்டு, அதே பணியை தாங்களும் தேர்ந்தெடுத்த  மகள், மகன்களுக்கு இன்ப அதிர்ச்சிக்கொடுத்த பிரிட்டிஷ் ஏர்வேஸ் நிறுவனத்திற்கு பாராட்டுக்கள் குவிந்து வருகின்றனர். இதுபோன்று தந்தையும் மகள் அல்லது மகனும் இணைந்து பணியாற்றும் வாய்ப்பு கிடைப்பது அரிதிலும் அரிதான விஷயமாகும்.