டிஸ்கவரி சேனலில் ரஜினி பங்கேற்ற MAN VS WILD…தெறிக்க விடும் மோஷன் போஸ்டர்!
நடிகர்கள் ஜூலியா ராபர்ட்ஸ், நிக் ஜானஸ், உள்ளிட்டோருடனும் விளையாட்டு வீரர்களில் டென்னிஸ் வீரர் ரோஜர் ஃபெடரர் உள்ளிட்ட பிரபலங்கள் கலந்துகொண்டுள்ளனர்.
பியர் கிரில்ஸ் சாகசத்துக்குப் பெயர்போனவர்…பிரிட்டனைச் சேர்ந்த வன ஆர்வலரான இவர் டிஸ்கவரி உள்ளிட்ட பிரபல டிவிக்களில் வனங்கள் தொடர்பான நிகழ்ச்சிகளைத் தொகுத்து வழங்கிவருகிறார். எந்த இடத்திலும் நம்மால் தப்பித்து வெளியே வர முடியும் என்பதை MAN VS WILD என்ற நிகழ்ச்சி மூலம் நிரூபித்து வருகிறார். இந்த நிகழ்ச்சியில் பிரதமர் மோடி, அமெரிக்க முன்னாள் அதிபர் ஒபாமா, அமெரிக்க நடிகர்கள் ஜூலியா ராபர்ட்ஸ், நிக் ஜானஸ், உள்ளிட்டோருடனும் விளையாட்டு வீரர்களில் டென்னிஸ் வீரர் ரோஜர் ஃபெடரர் உள்ளிட்ட பிரபலங்கள் கலந்துகொண்டுள்ளனர்.
சமீபத்தில் MAN VS WILD நிகழ்ச்சியில் நடிகர் ரஜினிகாந்த் பங்கேற்றார். இதற்காக சமீபத்தில் பந்திபுரா புலிகள் காப்பகத்தில் ஆவணப்படத்தின் படப்பிடிப்பு நடந்தது. பியர் கிரில்ஸுடன் ரஜினி இரண்டு நாட்கள் கலந்துகொண்டார்.அவருடன் ரஜினியின் இளையமகள் சௌந்தர்யா ரஜினிகாந்த்தும் கலந்துகொண்டார்.
The Motion Poster Of #intothewildwithbeargrylls Featuring Superstar @rajinikanth With #beargrylls Is Here!??????@BearGrylls@DiscoveryIN pic.twitter.com/A1LDS94IdD
— RIAZ K AHMED (@RIAZtheboss) February 19, 2020
இந்நிலையில் MAN VS WILD நிகழ்ச்சியில் ரஜினி கலந்துகொண்ட நிகழ்ச்சி விரைவில் ஒளிபரப்பாகவுள்ளது. இதற்கான மோஷன் போஸ்டர் தற்போது வெளியாகியுள்ளது. அதில் ரஜினி ஜீப் ஒன்றின் மீது கைவைத்தபடி நிற்க , பியர் கிரில்ஸ் அமர்ந்தபடி போஸ் கொடுத்துள்ளார். இதை கண்ட ரஜினி ரசிகர்கள் உங்க ஸ்டைலே தனி தலைவா என்று கமெண்ட்ஸ் செய்து வருகிறார்கள்.