ஜி.எஸ்.எல்.வி மார்க்3 டி2 விண்கலம் சுமந்து சென்ற ஜி.சாட் 29 செயற்கை கோள் வெற்றிகரமாக விண்ணில் நிலை நிறுத்தப்பட்டது
ஸ்ரீஹரிகோட்டா: ஜி.எஸ்.எல்.வி மார்க்3 டி2 விண்கலம் சுமந்து சென்ற ஜி.சாட் 29 செயற்கை கோள் வெற்றிகரமாக விண்ணில் நிலை நிறுத்தப்பட்டது.
ஆந்திர மாநிலம் ஸ்ரீஹரிகோட்டாவில் உள்ள சதீஷ்தவான் ஏவுதளத்தில் இருந்து இந்த ராக்கெட் விண்ணில் செலுத்தப்பட்டுள்ளது.
இந்த ஜிஎஸ்எல்வி – மார்க் 3 , டி- 2 என்ற ராக்கெட், 3 நிலைகளை கொண்ட ஒரு கனரக வகை ராக்கெட்டாகும். இதில் முதல் நிலைகளில் திட எரிபொருளும், 2-வது நிலையில் திரவ எரிபொருளும் நிரப்பப்பட்டு உள்ளன. 3-வது நிலையில் கிரையோஜெனிக் என்ஜின் பொருத்தப்பட்டுள்ளது.
10 டன் எடை கொண்ட பொருட்களை சுமந்து செல்லும் வகையில் இந்த ராக்கெட் வடிவமைக்கப்பட்டு இருந்தாலும், 4 டன் எடை கொண்ட செயற்கைகோளை சுற்றுப்பாதையில் வெற்றிகரமாக நிலை நிறுத்தும் திறன் கொண்டது. தற்போது 3 ஆயிரத்து 423 கிலோ எடை கொண்ட ஜிசாட்-29 செயற்கைகோளை சுமந்து செல்கிறது.
#UPDATE: GSLV-MK-III D2 carrying GSAT-29 satellite, launches successfully from Satish Dhawan Space Centre in Sriharikota. #AndhraPradesh. #ISRO https://t.co/4nUURntBQ5
— ANI (@ANI) November 14, 2018
வானிலை மாற்றம், கடல் சார் ஆராய்ச்சி உள்ளிட்ட பல்வேறு பணிகளுக்காக ஜி – சாட் 29 செயற்கைக்கோள் செலுத்தப்பட்டுள்ளது. தகவல் தொடர்புக்காக இஸ்ரோ தயாரித்துள்ள இந்த செயற்கை கோள், பூமியில் இருந்து சுமார் 36,000 கி.மீ., தொலைவில் விண்ணில் வெற்றிகரமாக நிலைநிறுத்தப்பட்டது.