‘செல்ஃபி, ஆட்டோகிராஃப்..’ – கொளத்தூர் தொகுதிக்கு ஸ்டாலின் கூல் விசிட்!
திமுக தலைவர் மு.க.ஸ்டாலின் தன் சொந்த தொகுதியான கொளத்தூர் தொகுதியில் இன்று பல்வேறு நலத்திட்டங்களை துவக்கி வைத்துள்ளார்.
சென்னை: திமுக தலைவர் மு.க.ஸ்டாலின் தன் சொந்த தொகுதியான கொளத்தூர் தொகுதியில் இன்று பல்வேறு நலத்திட்டங்களை துவக்கி வைத்துள்ளார்.
திமுக தலைவரும், எதிர்க்கட்சித் தலைவருமான மு.க.ஸ்டாலின், கொளத்தூர் தொகுதியின் சட்டமன்ற உறுப்பினராக பணியாற்றி வருகிறார்.
இன்று காலை, அத்தொகுதிக்கு சென்ற ஸ்டாலின், தன் சட்டமன்ற உறுப்பினர் தொகுதி மேம்பாட்டு நிதியில் ரூ.82 லட்சம் செலவில் மேம்படுத்தப்படவுள்ள ஹரிதாஸ் தெரு தாமரை குளத்தை ஆய்வு செய்தார்.
கழக தலைவர் @mkstalin அவர்கள் இன்று கொளத்தூர் தொகுதியில் பங்கேற்று, நலத்திட்ட உதவிகள் வழங்கிய நிகழ்ச்சிகள் விவரம்:https://t.co/p6ZjALLjFA pic.twitter.com/l4QEQnbe9x
— DMK – Dravida Munnetra Kazhagam (@arivalayam) November 30, 2018
அதன்பின், பெண்கள் மேல்நிலைப்பள்ளி நூலகத்துக்கு 1,500 புத்தகங்கள் வழங்கியதுடன், 1,125 மாணவிகளுக்கு நோட்டு புத்தகங்கள், ஜியாமெட்ரி பாக்ஸ்கள் உள்ளிட்ட பொருட்களை வழங்கினார். அப்போது, அங்கிருந்த மாணவிகள், ஸ்டாலினுடன் செல்ஃபி எடுத்து மகிழ்ந்துள்ளனர். சில மாணவிகள் ஆட்டோகிராஃப் கேட்டதையடுத்து, அவர்களின் கையில் ஸ்டாலின் கையெழுத்திட்டார்.