சூப்பர் ஸ்டாருக்கு சிரஞ்சீவி விடுத்த சவால்… வீட்டு வேலை செய்யுங்களே!

கொரோனாவால் விதிக்கப்பட்ட ஊரடங்கால், வரலாறு காணாத அளவிற்கு பெரிய அளவில் சினிமா துறை முடங்கியுள்ளது. கோலிவுட் தொடங்கி பாலிவுட் முதல் ஹாலிவுட் வரை ஒட்டுமொத்த உலக சினிமாவும் தற்போது முடங்கியுள்ளது. சினிமா படப்பிடிப்புகள் நிறுத்தப்பட்டுள்ள காரணத்தால் திரை நட்சத்திரங்கள், வீட்டில் தங்கள் குடும்பத்துடன் நேரத்தை செலவிட்டு வருகின்றனர். அதே சமயம் ஒருவருக்கு ஒருவர் ‘சேலஞ்சுகளை’ விடுத்துக்கொண்டு நேரத்தை செலவிட்டு வருகின்றனர். 

 

Here it is Bheem @tarak9999 నేను రోజు చేసే పనులే…ఇవ్వాళ మీకోసం ఈ వీడియో సాక్ష్యం. And I now nominate @KTRTRS & my friend @rajinikanth #BeTheRealMan challenge. pic.twitter.com/y6DCQfWMMm

— Chiranjeevi Konidela (@KChiruTweets) April 23, 2020

 

அந்த வகையில் டோலிவுட் டாப் நட்சத்திரங்களுக்கு மத்தியில் தற்போது #BetheREALMAN என்ற சவால் தற்போது பிரபலமாகிவருகிறது. இயக்குநர் சந்தீப் வங்கா தொடங்கிய இந்த சேலஞ்சை, இயக்குநர் ராஜமௌலி, ராம் சரண், ஜூனியர் என்.டி.ஆர் ஆகியோர் செய்து வீடியோவை வெளியிட்டனர். இந்நிலையில் தற்போது அந்த லிஸ்ட்டில் சிரஞ்சீவியும் இணைந்துள்ளார். அவருடைய ட்விட்டர் பக்கத்தில் வெளியிட்டுள்ள வீடியோவில், தனது வீட்டை சுத்தப்படுத்தி, தனது அம்மாவுக்கு சுட சுட ஊத்தாப்பாத்தையும் சுட்டுக் கொடுத்தார். மேலும் இதுபோன்று செய்யுமாறு சூப்பர் ஸ்டார் ரஜினிகாந்துக்கு வேண்டுகோள் விடுத்துள்ளார்.