சூப்பர் ஸ்டாரின் ‘தலைவர் 168’ திரைப்படம் பூஜையுடன் தொடங்கியது !
நாளை சூப்பர் ஸ்டாரின் பிறந்தநாளன்று தொடங்கவிருக்கும் இந்த படத்தின் படப்பிடிப்பு இன்று பூஜையுடன் தொடங்கியுள்ளது.
ரஜினிகாந்த் – ஏ.ஆர்.முருகதாஸ் கூட்டணியில் உருவாகியுள்ள தர்பார் படத்தையடுத்து இயக்குநர் சிவா இயக்கத்தில் ரஜினிகாந்த் நடிக்க உள்ளதாகச் சமீபத்தில் அதிகாரப்பூர்வ அறிவிப்பு வெளியானது. இந்த படத்தில் முதல் முறையாகச் சிவா- ரஜினிகாந்த் கூட்டணி இணைகிறது.
சூப்பர் ஸ்டாரின் 168 திரைப்படமான இந்த படத்தை சன் பிக்சர்ஸ் நிறுவனம் தயாரிக்கிறது. மேலும், டி.இமான் இப்படத்திற்கு இசையமைக்கிறார். இந்த படத்தில் சூப்பர் ஸ்டார் ரஜினிகாந்த்துக்கு ஜோடியாக நடிகை கீர்த்தி சுரேஷ் நடிக்கவுள்ளார். இந்த படத்தில் நடிகை மீனாவும், நடிகை குஷ்பூவும் ரஜினி காந்துடன் இணைகிறார்கள் என்று சன் பிக்சர்ஸ் நிறுவனம் நேற்று அதன் ட்விட்டர் பக்கத்தில் அதிகாரப்பூர்வமான அறிவிப்பை வெளியிட்டது. நாளை சூப்பர் ஸ்டாரின் பிறந்தநாளன்று தொடங்கவிருக்கும் இந்த படத்தின் படப்பிடிப்பு இன்று பூஜையுடன் தொடங்கியுள்ளது.
#Thalaivar168Poojai pic.twitter.com/p1c70r7PD3
— Sun Pictures (@sunpictures) December 11, 2019
அந்த பூஜையில் ரஜினி காந்த், நடிகை மீனா, நடிகை குஷ்பூ, இசையமைப்பாளர் டி இமான் மற்றும் படக்குழுவினர் கலந்து கொண்டுள்ளனர். தலைவர் 186 படத்தின் பூஜையில் எடுத்த படக்குழுவின் புகைப்படத்தை சன் பிக்சர்ஸ் நிறுவனம் அதன் ட்விட்டர் பக்கத்தில் வெளியிட்டுள்ளது. அதற்கு ரஜினி ரசிகர்கள் லைக் மற்றும் கமெண்டுகளை தெறிக்கவிட்டு வருகின்றனர்.