குடிபோதையில் கலாட்டா செய்த பிரபல நடிகை: கார்டனில் படுத்து தூங்கிய சம்பவம்!?

மதுபோதையில் ஹோட்டலில் நடிகை டாப்ஸி செய்த கலாட்டா பாலிவுட்டில் சிரிப்பாய் சிரிக்கிறது.

மும்பை: மதுபோதையில் நடிகை டாப்ஸி செய்த கலாட்டா பாலிவுட்டின் ஹாட் டாப்பிக்காக மாறியுள்ளது.

தமிழில் ஆடுகளம் திரைப்படத்தின் மூலம் அறிமுகமானவர் நடிகை டாப்ஸி. இவர் அப்படத்தை தொடர்ந்து ஆரம்பம், வந்தான் வென்றான், காஞ்சனா 2, வை ராஜா வை போன்ற படங்களில் நடித்தார். இதை தொடர்ந்து இவரது படங்கள் தமிழில் எதிர்பார்த்த அளவு வெற்றி பெறாததால் பாலிவுட் பக்கம்  சென்ற டாப்ஸி பேபி, பிங்க் போன்ற படங்களால்  நல்ல வரவேற்பை பெற்றார். 

இந்நிலையில், நடிகை டாப்ஸி  நடிகர் விக்கி கௌசலுடன் இணைந்து Manmarziyaan படத்தில் இணைந்து நடித்துள்ளார். அப்படம் கடந்த 2018ம் வருடம் வெளியாக  பாலிவுட்டில் வெற்றி பெற்றது. அப்படத்தின் படப்பிடிப்பு முடிந்து நடத்தப்பட்ட பார்ட்டியில் டாப்ஸி செய்த கலாட்டா தான் தற்போது பாலிவுட்டின் ஹாட் டாப்பிக்காக உள்ளது. அதாவது இந்த படம் குறித்த அனுபவத்தைப் பகிர்ந்து கொண்ட விக்கி கௌசல், டாப்ஸி குறித்த தகவலை வெளியிட்டுள்ளார். படப்பிடிப்பு முடிந்து ஒரு நட்சத்திர ஹோட்டலில்  நடந்த பார்ட்டியின் போது, டாப்ஸியும், விக்கி கௌசலும் அதிக அளவில் மது அருந்தியதால் நடக்கவே முடியாமல் தடுமாறியதாகவும், அதனால் ரூம்முக்கு செல்லாமல் அடம்பிடித்த டாப்ஸி  ஹோட்டலின் கார்டன் பகுதியிலேயே படுத்து உறங்கி விட்டதாகவும் கூறியுள்ளனர். 

டாப்ஸி குறித்து விக்கி கௌசல்  கூறியிருப்பது பாலிவுட் மட்டுமல்லாது கோலிவுட்டிலும் பரபரப்பை ஏற்படுத்தியுள்ளது.