கடைசி ஓவரில் காட்டடி அடித்ததன் மூலம் புதிய சாதனை படைத்தார் தல தோனி !!

 

கடைசி ஓவரில் காட்டடி அடித்ததன் மூலம் புதிய சாதனை படைத்தார் தல தோனி !!

ராயல் சேலஞ்சர்ஸ் பெங்களூர் அணியுடனான நேற்றைய போட்டியின் கடைசி ஓவரில் ருத்ர தாண்டவம் ஆடியதன் மூலம் தோனி புதிய மைல்கல் ஒன்றை எட்டியுள்ளார். 

பெங்களூர்: ராயல் சேலஞ்சர்ஸ் பெங்களூர் அணியுடனான நேற்றைய போட்டியின் கடைசி ஓவரில் ருத்ர தாண்டவம் ஆடியதன் மூலம் தோனி புதிய மைல்கல் ஒன்றை எட்டியுள்ளார். 

ஐ.பி.எல் டி.20 தொடரின் நேற்றைய போட்டியில் தல தோனி தலைமையிலான சென்னை சூப்பர் கிங்ஸ் அணியும், தளபதி விராட் கோஹ்லி தலைமையிலான பெங்களூர் அணியும் மோதின. 
இதில் டாஸ் வென்ற தோனி முதலில் பந்துவீச்சை தேர்வு செய்தார், இதனையடுத்து முதலில் பேட்டிங் செய்த பெங்களூர் அணி நிர்ணயிக்கப்பட்ட 20 ஓவர்கள் முடிவில் 7 விக்கெட்டுகள் இழப்பிற்கு 161 ரன்கள் எடுத்தது. 
இதனையடுத்து 162 ரன்கள் எடுத்தால் வெற்றி என்ற எளிய இலக்கை துரத்தி களமிறங்கிய சென்னை சூப்பர் கிங்ஸ் அணிக்கு, அந்த அணியின் முதல் நான்கு முக்கிய வீரர்கள் ஒற்றை இலக்க ரன்களில் விக்கெட்டை இழந்து ஏமாற்றம் கொடுத்தனர்.

dhoni

இதன் பிறகு களமிறங்கிய சென்னை அணியின் கேப்டன் தோனி, தனது பொறுப்பான ஆட்டத்தை வெளிப்படுத்தி சென்னை அணியை சரிவில் இருந்து மீட்டதன் மூலம் கடைசி ஒரு ஓவருக்கு 26 ரன்கள் தேவை என்ற நிலை ஏற்பட்டது. 

dhoni

26 ரன்கள் என்பது சாத்தியம் இல்லாதது என சென்னை ரசிகர்களே நினைத்த போதிலும் அந்த ஓவரில் மூன்று சிக்ஸர், ஒரு பவுண்டரி அடித்து மாஸ் காட்டிய தோனி கடைசி பந்தை மட்டும் எதிர்கொள்ள தவறியதால் சென்னை அணி வெறும் 1 ரன் வித்தியாசத்தில் வெற்றியை தவறவிட்டது.  இந்த போட்டியில் சென்னை அணி வெற்றியை தவறவிட்டிருந்தாலும், நேற்றைய போட்டியின் மூலம் தோனி பல சாதனைகளை படைத்துள்ளார். 

dhoni

இதில் குறிப்பாக கடைசி ஓவரில் 20+ ரன்கள் எடுத்த தோனி, இதன் மூலம் கடைசி ஓவரில் அதிகமுறை 20+ ரன்கள் எடுத்த வீரர்கள் பட்டியலில் முதலிடத்தை பிடித்துள்ளார். 

கடைசி ஓவரில் அதிகமுறை 20+ ரன்கள் எடுத்த வீரர்கள் பட்டியல்; 

தோனி – 4 முறை
ரோஹித் சர்மா – 3 முறை
யுவராஜ் சிங் – 2 முறை
டேவிட் மில்லர் – 2 முறை
கிரிஸ் மோரிஸ் – 2 முறை

இதையும் வாசிக்க: சிஎஸ்கே அதிர்ச்சி தோல்வி: தோனியை கொண்டாடும் ரசிகர்கள்!