உருவத்தில் சிறியதாக இருப்பதால் நாம் சமையலில் எள்ளுக்கு அதிக முக்கியத்துவம் தர்றதில்லை. சமைக்கும் போது தாளிக்க கடுகு பயன்படுத்துகிறோம். அதே அளவிற்கான எள்ளை தினமும் உட்கொண்டு வர வேண்டும். நாம் எல்லாம் சிறு வயதில் எள் உருண்டை சாப்பிட்டு இருக்கிறோம். அதனால எள்ளில் இருக்கும் சக்திகள் நமக்கு கிடைத்து வந்தது. ஆனால், நம் பிள்ளைகளுக்கு எள்ளு உருண்டையும், கடலை மிட்டாயுமா சாப்பிட வாங்கித் தர்றோம்?
உருவத்தில் சிறியதாக இருப்பதால் நாம் சமையலில் எள்ளுக்கு அதிக முக்கியத்துவம் தர்றதில்லை. சமைக்கும் போது தாளிக்க கடுகு பயன்படுத்துகிறோம். அதே அளவிற்கான எள்ளை தினமும் உட்கொண்டு வர வேண்டும். நாம் எல்லாம் சிறு வயதில் எள் உருண்டை சாப்பிட்டு இருக்கிறோம். அதனால எள்ளில் இருக்கும் சக்திகள் நமக்கு கிடைத்து வந்தது. ஆனால், நம் பிள்ளைகளுக்கு எள்ளு உருண்டையும், கடலை மிட்டாயுமா சாப்பிட வாங்கித் தர்றோம்?
உணவில் எள் சேர்த்து சமைக்கும் பழக்கம் நெடுங்காலமாகவே தமிழர்களிடையே இருந்து வந்திருக்கிறது. உடல் உறுதியையும், ரத்தத்தை பெருக்கக் கூடிய ஆற்றலும் எள்ளுக்கு உண்டு. கண்களுக்கு ஒளியைக் கொடுப்பதுடன், வயிற்றுப் புண்களை ஆற்றக் கூடிய சக்தியும் எள்ளுக்கு உண்டு. பெண்களுக்கு கர்ப்ப பையை பலபடுத்தக் கூடிய வரப்பிரசாதம் எள். தாய்ப்பாலை பெருக்க கூடிய பொருளாகவும் எள் இருக்கிறது. வளரும் குழந்தைகளுக்கு தசை,எலும்பு,மூளை இனப்பெருக்க உறுப்பு மண்டலம் என அனைத்தையும் பாதுகாத்து, பலம் தரும்.
எள்ளிலிருந்து கிடைக்கும் நல்லெண்ணெயை பயன்படுத்தினால் ரத்த அழுத்தம் கட்டுக்குள் வரும். நல்லெண்ணெய் அதிக பலன்களைத் தருவதால் தான் அதை நல்ல எண்ணெய் என்கிறோம். எள்ளை சாப்பிடுவதாலும், நல்லெண்ணெய் தேய்த்து குளிப்பதாலும் ரத்த அழுத்த நோயாளிகளுக்கு பல நன்மைகள் உண்டாகிறது.
எள் ஒரு பங்கு, சீரகம் அரை பங்கு, அலிசி விதை (ப்ளாக் சீட்ஸ்) கால் பங்கு என சேர்த்து, ஒன்றாகப் பொடித்து இளம் வறுப்பாக வறுத்து தனியாகவோ அல்லது பனைவெல்லம் கலந்தோ சாப்பிடலாம். எள் தொடர்ந்து சாப்பிடும் பொழுது, வாரம் இருமுறை எண்ணெய் தேய்த்து தலைக்கு குளித்தல் அவசியம். இதே போல் எள்ளிலிருந்து பெறப்படும் நல்லெண்ணெயைப் பயன்படுத்தும் போது புத்திக்கு தெளிவு, கண்களுக்கும் உடலுக்கும் குளிர்ச்சி, பார்வை கூர்மை போன்ற பல நன்மைகள் கிடைக்கும்.
இப்பொழுதெல்லாம் குழந்தைகள் வெளியில், வெய்யிலில் விளையாடுவதில்லை.
தொலைக்காட்சியோ, மொபைல் போனோ கதியென்று இருப்பதால், அவர்களுக்கு போதுமான ஊட்டச்சத்துக்கள் கிடைப்பதில்லை. பெரியவர்களுக்கும் போதுமான உடற்பயிற்சி இல்லாததால் எலும்பு வலிமையை இழக்கிறது. மேலும் மாறுபட்ட உணவுகள் ஹார்மோன்களில் தாக்கத்தை ஏற்படுத்தி எலும்பு வலிமையை குறைந்துவிடுகிறது. இந்த நிலை மாறுவதற்கு, தோலுடன் உளுந்து ஒரு பங்கு, எள் அரை பங்கு எடுத்து தனித்தனியே நெய்விட்டு லேசாக வறுத்து அரைத்து வெல்லப்பாகு சேர்த்து உருண்டைகளாகப் பிடித்து சாப்பிட்டு வந்தால், எலும்புகள் பலம் பெறும்.