எப்பவுமே மாஸ்.. தலைவருக்கு மட்டும் மரண மாஸ்: ‘பேட்ட’ பாடலை அவுட்டாக்கிய தமிழ் ராக்கர்ஸ்
சூப்பர் ஸ்டார் ரஜினிகாந்த் நடித்துள்ள ‘பேட்ட’ படத்தின் முதல் சிங்கிள் டிராக் பாடலான ‘மரண மாஸ்’ பாடலை படக்குழுவிற்கு முன்பாகவே தமிழ் ராக்கர்ஸ் லீக் செய்து அதிர்ச்சியை கிளப்பியுள்ளது.
சென்னை: சூப்பர் ஸ்டார் ரஜினிகாந்த் நடித்துள்ள ‘பேட்ட’ படத்தின் முதல் சிங்கிள் டிராக் பாடலான ‘மரண மாஸ்’ பாடலை படக்குழுவிற்கு முன்பாகவே தமிழ் ராக்கர்ஸ் லீக் செய்து அதிர்ச்சியை கிளப்பியுள்ளது.
சன் பிக்சர்ஸ் தயாரிப்பில் கார்த்திக் சுப்புராஜ் இயக்கியுள்ள ‘பேட்ட’ படத்தில் ரஜினிக்கு ஜோடியாக சிம்ரன், த்ரிஷா ஆகியோர் நடித்துள்ளனர். மேலும், விஜய் சேதுபதி, மேகா ஆகாஷ், நவாசுதீன் சித்திக், பாபி சிம்ஹா, முனீஸ்காந்த், சோமசுந்தரம், சசிக்குமார், சனந்த் ரெட்டி உள்ளிட்ட பலர் நடித்துள்ளனர்.
இந்நிலையில், முதன்முறையாக ராக்ஸ்டார் அனிருத் இசையமைத்துள்ள ’பேட்ட’ படத்தின் முதல் சிங்கிள் டிராக் பாடலான ‘மரண மாஸ்’ பாடல் இன்று மாலை 6 மணிக்கு ரிலீசாகவுள்ளது. இந்நிலையில், படக்குழு அதிகாரப்பூர்வமாக வெளியிடுவதற்கு முன்பாகவே படத்தின் முதல் சிங்கிள் டிராக் பாடலை தமிழ் ராக்கர்ஸ் இணையதளம் வெளியிட்டிருப்பது திரையுலகினரை அதிர்ச்சியில் ஆழ்த்தியுள்ளது.
#MARANAMASS lyric video NOW exclusively on #SunNXT! Watch it for FREE now!https://t.co/OIUPz8F2zu pic.twitter.com/SBO14kE15w
— Sun NXT (@sunnxt) December 3, 2018
வழக்கமாக மிகவும் எதிர்ப்பார்ப்பை ஏற்படுத்தும் படங்களை மட்டுமே ரிலீசான அன்றே வெளியிட்டு வந்த தமிழ் ராக்கர்ஸ், தற்போது முதல் சிங்கிள் டிராக்கை லீக் செய்துள்ளது. தமிழ் திரையுலகிற்கு பெரும் சவாலாக இருந்து வரும் தமிழ் ராக்கர்ஸை ஒழிக்க தயாரிப்பாளர்கள் தரப்பில் பல்வேறு நடவடிக்கைகள் எடுக்கப்பட்டும் எதுவும் பலனளிக்கவில்லை.
தற்போது ‘பேட்ட’ படத்தின் மரண மாஸ் பாடல் லீக்காகி இருப்பது படக்குழு மட்டுமின்றி, ஒட்டுமொத்த திரையுலகினரையும் அதிர்ச்சியில் ஆழ்த்தியுள்ளது.