என் பிறந்த நாளை கொண்டாட வேண்டாம், அதற்கு பதிலாக இதை செய்யுங்கள்: கமல் ஹாசன் வேண்டுகோள்!

மக்கள் நீதி மய்யம் கட்சியின் தலைவரும் நடிகருமான கமல் ஹாசன் தனது பிறந்த நாளை கொண்டாட வேண்டாம் என்று தனது ரசிகர்களுக்கு வேண்டுகோள் விடுத்துள்ளார். 

சென்னை: மக்கள் நீதி மய்யம் கட்சியின் தலைவரும் நடிகருமான கமல் ஹாசன் தனது பிறந்த நாளை கொண்டாட வேண்டாம் என்று தனது ரசிகர்களுக்கு வேண்டுகோள் விடுத்துள்ளார். 

நடிகர் கமல் ஹாசன் மக்கள் நீதி மய்யம் என்னும் அரசியல் கட்சியை தொடங்கி தமிழகத்தின் பல்வேறு பகுதிகளுக்கு சுற்றுப்பயணம் மேற்கொண்டு வருகிறார். கமல் ஹாசனின்  பிறந்த நாள் வரும் 7ம் தேதி வருகிறது. இந்த நிலையில் தனது பிறந்தநாள் கொண்டாட்டத்தை தவிர்த்து விட்டு நலத்திட்ட உதவிகள் செய்யுமாறு கமல் ஹாசன் வேண்டுகோள் விடுத்துள்ளார்.

 

வருகின்ற நவம்பர் 7 ம் தேதி அன்று பிறந்த நாள் காணவிருக்கும் நமது தலைவர் நம்மவர் அவர்களின் பிறந்த நாள் அறிக்கை!#Nammavar#MakkalNeedhiMaiam pic.twitter.com/MxOO9BorU7

— Makkal Needhi Maiam | மக்கள் நீதி மய்யம் (@maiamofficial) November 4, 2018

இதுகுறித்து அவர் வெளியிட்டுள்ள அறிக்கையில், ‘இந்த ஆண்டு எனது பிறந்த நாளை கொண்டாட வேண்டாம். கேக் வெட்டுதல் உள்ளிட்ட ஆடம்பர செலவுகள் செய்ய வேண்டாம். அதற்குப் பதிலாக ஆதரவற்றோர் இல்லங்கள், முதியோர் இல்லங்கள், ஆசிரமங்களில் உள்ளவர்களுக்கு உதவிகள் செய்ய வேண்டும். ரத்த தானம் போன்ற நற்பணிகளில் ஈடுபட வேண்டும்’ என்று தெரிவித்துள்ளார்.