ஊரடங்கு நீட்டிப்பு – பொருளாதாரம் குறித்து ஆலோசிக்க நிர்மலா சீதாராமன் பிரதமருடன் சந்திப்பு

ஊரடங்கு நீட்டிக்கப்பட்ட நிலையில் பொருளாதாரம் குறித்து ஆலோசிக்க நிதியமைச்சர் நிர்மலா சீதாராமன் பிரதமரை சந்தித்தார்.

டெல்லி: ஊரடங்கு நீட்டிக்கப்பட்ட நிலையில் பொருளாதாரம் குறித்து ஆலோசிக்க நிதியமைச்சர் நிர்மலா சீதாராமன் பிரதமரை சந்தித்தார்.

கொரோனா தொற்று நோய் பரவலை தடுப்பதற்காக ஊரடங்கு நீட்டிக்கப்பட்டு உள்ளதால் பல துறைகள் அவற்றின் முழு திறனில் இயங்காததால் பொருளாதாரத்தின் நிலை குறித்து ஆலோசிக்க மத்திய நிதியமைச்சர் நிர்மலா சீதாராமன் இன்று பிரதமர் நரேந்திர மோடியை சந்தித்தார்.

பிரதமர் அலுவலகம் மற்றும் நிதி அமைச்சகம் வழக்கமான கூட்டங்களை நடத்தி வருகின்றன. தொற்றுநோயால் கடுமையாக பாதிக்கப்பட்டவர்களுக்கு நிதி தொகுப்பு இந்த மையம் கடந்த மாதம் அறிவித்தது. “சோதனை நேரங்களை சமாளிக்க ஏழைகள் மற்றும் பாதிக்கப்படக் கூடியவர்கள் எல்லா உதவிகளையும் பெறுவது எங்கள் உறுதியான தீர்மானமாகும்” என்று பிரதான் மந்திரி கரிப் கல்யாண் திட்டத்தை அறிவிக்கும்போது பிரதமர் மோடி கூறினார்.

ஏற்கனவே அழுத்தத்தில் இருந்த உற்பத்தித் துறை ஊரடங்கால் கடுமையாக பாதிக்கப்பட்டுள்ளது. எனவே அவற்றின் நிதி அமைப்பு முடங்கியுள்ளது. ஊரடங்கு காரணமாக ஈ.எம்.ஐ.களை மூன்று மாதங்களுக்கு ஒத்திவைக்க நிதி நிறுவனங்கள் அறிவுறுத்தப்பட்டுள்ளன. எனவே பல நிறுவனங்கள் சம்பளக் குறைப்பை அறிவித்து தங்கள் பணியாளர்களைக் குறைத்துள்ளன.

கொரோனா வைரஸ் பரவலைக் கட்டுப்படுத்த உலகின் மிகப்பெரிய ஊரடங்கை பிரதமர் மோடி நீட்டித்த பின்னர், நாட்டின் பொருளாதாரம் இந்தாண்டு முழுவதும் தாக்கத்தை உண்டாக்கும் என்று ப்ளூம்பெர்க் அறிக்கை கூறுகிறது.

பிரதமர் மோடி ஊரடங்கை மே 3 வரை நீட்டித்து இருந்தாலும் புதிய வழிகாட்டுதல்களையும் அரசாங்கம் தெரிவித்துள்ளது. அதன்படி கிராமப்புறங்களில் சில தொழில்கள், ஈ-காமர்ஸ், தகவல் தொழில்நுட்பம் (ஐ.டி) மற்றும் வேளாண்மை ஆகியவை ஏப்ரல் 20-க்குப் பிறகு அனுமதிக்கப்படும் என்று கூறப்பட்டுள்ளது.