உலகில் வேகமாக வளரும் நகரங்கள்: சென்னையை பின்னுக்கு தள்ளியது திருப்பூர்

உலகில் வேகமாக வளரும் நகரங்களின் பட்டியலில் சென்னையை பின்னுக்கு தள்ளி 6-வது இடத்தை திருப்பூர் பிடித்துள்ளது

சென்னை: உலகில் வேகமாக வளரும் நகரங்களின் பட்டியலில் சென்னையை பின்னுக்கு தள்ளி 6-வது இடத்தை திருப்பூர் பிடித்துள்ளது.

சர்வதேச அளவில் பொருளாதாரத்தில் வேகமாக வளரும் நகரங்களின் பட்டியலை ஆக்ஸ்போர்ட் எகனாமிக்ஸ் அமைப்பு வெளியிட்டுள்ளது. இதில் வளர்ந்த நாடுகளின் நகரங்களை பின்னுக்கு தள்ளி, முதல் இருபது இடங்களில் 17 இடங்களை இந்திய நகரங்கள் பிடித்துள்ளன. பட்டியலின் முதல் 10 இடங்களில் தமிழகத்தைச் சேர்ந்த மூன்று நகரங்கள் உள்ளன.

குஜராத் மாநிலத்தில் உள்ள சூரத் முதலிடத்திலும், ஆக்ரா இரண்டாம் இடத்திலும், பெங்களூரு மூன்றாவது இடத்திலும், ஹைதராபாத் நான்காவது இடத்திலும், நாக்பூர் ஐந்தாவது இடத்திலும் உள்ளது.

தமிழகத்தின் திருப்பூர் ஆறாவது இடத்திலும், திருச்சி எட்டாவது இடத்திலும், சென்னை பத்தாவது இடத்திலும் உள்ளது.