இந்தா ஓ.பி.எஸும் கிளம்பிட்டார்ல… எந்தெந்த நாடுகளுக்கு போகிறார் தெரியுமா..?

நமது துணை முதல்வர் பன்னீர்செல்வத்திற்கும் பக்கோடா சாப்பிட ஆசையிருக்காதா..? அவரும் கோட்டு சூட்டுக்கு ஆர்டர் கொடுத்து விட்டார்.

பிரதமர் மோடி ஸ்டலில் தமிழக முதல்வர் எடப்பாடி பழனிசாமி லண்டன் அமெரிக்கா சென்று கோடு சூட்டு போட்டு கலக்கி 14 நாட்கள் ரவுண்டு அடித்து விட்டு திரும்பி விட்டார். 

அவர் மட்டுமா? அமைச்சர் செங்கோட்டையன், ராஜேந்திர பாலாஜி, ஆர்.பி.உதயகுமார் என 10க்கும் மேற்பட்ட அமைச்சர்கள் வெளிநாட்டுக்கு சென்று திரும்பி உள்ளனர்.  இப்படி இருக்கையில் நமது  துணை முதல்வர் பன்னீர்செல்வத்திற்கும் பக்கோடா சாப்பிட ஆசையிருக்காதா..?

அவரும் கோட்டு சூட்டுக்கு ஆர்டர் கொடுத்து விட்டார். குறைந்த செலவில் ஏழைகளுக்கு அடுக்குமாடி குடியிருப்புகள் கட்டுவது, அதில் நவீன வசதிகள் செய்வது, வெளிநாட்டு மார்க்கெட், பஸ் நிலையங்கள் மாதிரி கோயம்பேடு மார்க்கெட், பஸ் நிலையங்களை நவீனப்படுத்துவது தொடர்பாக ஆய்வு செய்ய இருக்கிறார்கள். இதற்காக சீனா, சிங்கப்பூர் உட்பட பல வெளிநாடுகளுக்கு போற மாதிரி திட்டம் வகுத்திருக்கிறார் துணை முதல்வர் ஓ.பிஎஸ். 

முதல்வர் எடப்பாடியின் வெளிநாட்டு பயணத்தில் பத்திரிகையாளர்களை தவிர்த்து விட்டார்கள். ஆனால், துணை முதல்வர் பயணத்தில் பத்திரிகையாளர்கள் சிலரையும் அழைத்துக் கொண்டு செல்ல உள்ளார் எனக்கூறுகிறார்கள்.