அமலா பால் ஆடை பட விமர்சனம் கேட்க திரையரங்கிற்கு நேரடியாகச் சென்றுள்ளார்.
சென்னை: அமலா பால் ஆடை பட விமர்சனம் கேட்க திரையரங்கிற்கு நேரடியாகச் சென்றுள்ளார்.
மேயாத மான் பட இயக்குநர் ரத்னகுமார் இயக்கத்தில் நடிகை அமலா பால் நடித்துள்ள படம் ஆடை. கடும் சர்ச்சைக்கு இடையே கடந்த வாரம் வெளியான இந்த படம் நல்ல வரவேற்பை பெற்று வருகிறது. மேலும் இதில் அமலா பாலின் துணிச்சலான நடிப்பை ரசிகர்களும் வெகுவாக பாராட்டி வருகின்றனர்.
இந்த நிலையில் ஒரு படம் வெளியாகிறது என்றால் அந்த படத்தில் நடித்தவர்கள் ரசிகர்களுடன் சேர்ந்து படத்தை பார்ப்பது தான் வழக்கம். ஆனால் ஆடை பட குழு சற்று வித்தியாசமாக செயல்பட்டுள்ளது. ஆம்.. அமலா பால் மற்றும் படக்குழு இணைந்து மீடியா ஆட்களைப் போல், கையில் மைக்கைப் பிடித்துக் கொண்டு, அனைவரிடமும் கருத்துக் கேட்டுள்ளனர். அமலா பால் தலையில் தொப்பியும், கண்ணில் கண்ணாடியும் அணிந்திருந்ததால், ரசிகர்களால் அவரை சரியாக அடையாளம் கண்டு பிடிக்கவில்லை.
பிறகு அமலா பாலே தனது தொப்பியைக் கழட்டி வைத்து விட்டு ரசிகர்களுடன் மிகவும் மகிழ்ச்சியாக உரையாடியுள்ளார். அந்த விடியோவை தனது இன்ஸ்டாகிராம் பக்கத்தில் வெளியிட்டுள்ளார்.