அப்பாக்கள் கொண்டாடும் அஜித்தின் ‘கண்ணான கண்ணே’!
‘விஸ்வாசம்’ திரைப்படத்தில் இடம்பெற்ற ‘கண்ணான கண்ணே’ பாடலை அப்பாக்கள் அனைவரும் சமூக வலைத்தளங்களில் கொண்டாடி வருகின்றனர்.
சென்னை: ‘விஸ்வாசம்’ திரைப்படத்தில் இடம்பெற்ற ‘கண்ணான கண்ணே’ பாடலை அப்பாக்கள் அனைவரும் சமூக வலைத்தளங்களில் கொண்டாடி வருகின்றனர்.
‘வீரம்’, ‘வேதாளம்’, ‘விவேகம்’ வரிசையில் 4வது முறையாக இயக்குநர் சிவா-அஜித் கூட்டணியில் உருவாகியுள்ள ‘விஸ்வாசம்’ திரைப்படத்தில் அஜித்துக்கு ஜோடியாக லேடி சூப்பர் ஸ்டார் நயன்தாரா நடித்துள்ளார். சத்யஜோதி ஃபிலிம்ஸ் தயாரித்துள்ள இப்படம் வரும் பொங்கல் பண்டிகைக்கு உலகம் முழுவதும் ரிலீசாகவுள்ளது.
டி.இமான் இசையில் இப்படத்தின் மெரும்பாலான பாடல்கள் பட்டையை கிளப்பியது. இந்நிலையில் மெலடி பாடலான ‘கண்ணான கண்ணே’ பாடலின் லிரிக் வீடியோ வெளியானது. கவிஞர் தாமரை வரிகளில் சித்ஸ்ரீராம் பாடிய இப்பாடல் வெளியாகி 12 மணி நேரமாகியும் சமூக வலைத்தளங்களில் டாப் ட்ரெண்டிங்கில் உள்ளது.
Presenting the #KannaanaKanney Lyric Video from #Viswasam https://t.co/Up25RBvGWA@directorsiva @SureshChandraa @vetrivisuals @immancomposer @dhilipaction @AntonyLRuben @LahariMusic @kjr_studios @AandPgroups @studio_horizon @DoneChannel1
— Sathya Jyothi Films (@SathyaJyothi_) December 26, 2018
அப்பா-மகள் பாசத்தை மையப்படுத்தி வெளியான இப்பாடலில் அப்பா மகள் மீது வைத்துள்ள பாசத்தை வெளிப்படுத்துவதால், பெரும்பாலான அப்பாக்கள் தங்கள் மகள்களுடன் எடுத்த புகைப்படம் மற்றும் வீடியோக்களை #MyKannaanaKanney என்ற ஹேஷ்டேக்கை பயன்படுத்தி பதிவு செய்து வருகின்றனர். ஹேஷ்டேக் மூலம் பகிர்ந்து வருவது ட்ரெண்டாகி வருகிறது.
ஏற்கனவே ‘என்னை அறிந்தால்’ படத்தில் இடம்பெற்ற ‘உனக்கென்ன வேணும் சொல்லு’ பாடலை போல், ‘விஸ்வாசம்’ படத்தில் இடம்பெற்றுள்ள ‘கண்ணான கண்ணே’ பாடலும் மிகப் பெரிய ஹிட்டாகியுள்ளது. மகளை பெற்ற அனைத்து அப்பாக்களுக்கும் இப்பாடல் பொக்கிஷமாக கருதப்படுவதாக பலரும் கருத்து தெரிவித்து வருகின்றனர்.