ராகுல் ஷர்மா-நடிகை அசின் தம்பதியின் மகளுக்கு முதல் பிறந்தநாள் விழா பிரம்மாண்டமாக கொண்டாட்டப்பட்டது.
மும்பை: ராகுல் ஷர்மா-நடிகை அசின் தம்பதியின் மகளுக்கு முதல் பிறந்தநாள் விழா பிரம்மாண்டமாக கொண்டாட்டப்பட்டது.
ஒளிப்பதிவாளர் ஜீவா இயக்கிய ‘உள்ளம் கேட்குமே’ படத்தின் மூலம் தமிழ் திரையுலகில் அறிமுகமானவர் நடிகை அசின். கேரளாவைச் சேர்ந்த இவர் விஜய், சூர்யா, ஜெயம் ரவி உள்ளிட்ட முன்னணி நடிகர்களுடன் ஜோடி சேர்ந்து பல வெற்றி படங்களில் நடித்துள்ளார்.
கோலிவுட்டில் முன்னணி நாயகியாக வலம் வந்த அசின், ‘கஜினி’ திரைப்படத்தின் ஹிந்தி ரீமேக்கில் அமீர்கானுடன் நடித்து பாலிவுட்டிலும் அதிக சம்பளம் வாங்கு நடிகையாக திகழ்ந்தார். இந்நிலையில், மைக்ரோமேக்ஸ் நிறுவனர் ராகுல் ஷர்மா மீது காதல் வயப்பட்ட அசின், கடந்த 2016ம் ஆண்டு ஜனவரி.19ம் தேதி ராகுலை திருமணம் செய்துக் கொண்டார்.
Ecstatic to announce that Asin & I have been blessed with an Angelic Baby Girl earlier today. Thank you for all your love & wishes. pic.twitter.com/DQvKemIeWI
— Rahul Sharma (@rahulsharma) October 24, 2017
திருமணத்துக்கு பின் சினிமாவில் இருந்து சுத்தமாக விலகிவிட்ட அசின், முழுநேர இல்லத்தரிசியாக மாறினார்.
அதைத் தொடர்ந்து கடந்த 2017, ஆண்டு அக்.24ம் தேதி அசின் அழகான பெண் குழந்தைக்கு தாயானதாக ராகுல் தனது சமூக வலைத்தள பக்கத்தில் அதிகாரப்பூர்வமாக அறிவித்து அசின் ரசிகர்களுக்கு இன்ப அதிர்ச்சி கொடுத்தார்.
தற்போது ராகுல்-அசின் தம்பதி தங்களது மகளின் முதல் பிறந்தநாளான் நேற்று ‘ட்ரீன் பிக் லிட்டில் ஒன்’ தீம் பர்த்டே பார்ட்டியாக வெகு விமரிசையாக கொண்டாடியுள்ளனர்.
இது தொடர்பான புகைப்படங்களை சமூக வலைத்தளங்களில் பகிர்ந்துள்ளனர். கோல்டன் மற்றும் பிங் நிற தீமில் விதவிதமாக பலூன்களால் அலங்கரிக்கப்பட்டு சிறப்பாக கொண்டாடப்பட்டுள்ளது.
