Home இந்தியா ஹைதராபாத் இரட்டை குண்டு வெடிப்பு வழக்கு: இருவருக்கு தூக்குத் தண்டனை

ஹைதராபாத் இரட்டை குண்டு வெடிப்பு வழக்கு: இருவருக்கு தூக்குத் தண்டனை

ஹைதராபாத்: தெலங்கானா மாநிலத் தலைநகர் ஹைதராபாத்தில் நிகழ்த்தப்பட்ட இரட்டை குண்டு வெடிப்பு வழக்கில் இருவருக்கு தூக்குத் தண்டனையும், ஒருவருக்கு ஆயுள் தண்டனையும் விதித்து தேசிய புலனாய்வு அமைப்பு (என்.ஐ.ஏ) சிறப்பு நீதிமன்றம் அதிரடி உத்தரவு பிறப்பித்துள்ளது.

ஹைதராபாத் இரட்டை குண்டு வெடிப்பு வழக்கு: இருவருக்கு தூக்குத் தண்டனை

தெலங்கானா மாநிலத் தலைநகர் ஹைதராபாத்த்தில் கடந்த 2007-ஆம் ஆண்டு ஆகஸ்ட் மாதம் லும்பினி பூங்கா மற்றும் கோகுல் சாட் உணவகம் ஆகிய இரண்டு இடங்களில் அடுத்தடுத்து குண்டு வெடிப்பு சம்பவங்கள் நிகழ்ந்தன. இந்த சம்பவத்தில் 43 பேர் பரிதாபமாக உயிரிழந்தனர்.

இச்சம்பவம் தொடர்பாக விசாரணை மேற்கொண்ட சிறப்பு புலனாய்வு பிரிவு, இந்தியன் முஜாஹிதீன் அமைப்பை சேர்ந்த, அனீக் சபிக் சையது, முகமது சாதிக், அக்பர் இஸ்மாயில் சவுத்ரி, அன்சார் அகமது பாதுஷா ஷேக், தரேக் அஞ்ஜும் ஆகிய ஐந்து பேரை கைது செய்துள்ளது.

சுமார் 11 ஆண்டுகள் நடைபெற்ற இந்த வழக்கின் அணைத்து தரப்பு வாதங்களும் கடந்த மாதம் நிறைவடைந்த நிலையில், இந்த வழக்கின் தீர்ப்பு இன்று வழங்கப்பட்டது. அதில், குற்றம் நிரூபிக்கப்பட்ட அனீக் சபிக் சையது, அக்பர் இஸ்மாயில் சவுத்ரி ஆகிய இருவருக்கு தூக்குத் தண்டனையும், தாரீக் அன்ஜுமிற்கு ஆயுள் தண்டனையும் விதித்து தேசிய புலனாய்வு அமைப்பு (என்.ஐ.ஏ) சிறப்பு நீதிமன்றம் அதிரடி உத்தரவு பிறப்பித்துள்ளது. மேலும், போதிய ஆதாரங்கள் இல்லாத காரணத்தால், முகமது சாதிக், அன்சார் அகமது பாதுஷா ஷேக் ஆகிய இருவரை நீதிமன்றம் விடுதலை செய்து உத்தரவு பிறப்பித்துள்ளது.

இந்த வழக்கில் ரியாஸ் பத்கல், இக்பால் பத்கல், அமீர் ராசா ஆகிய மூவர் தேடப்படும் குற்றவாளிகளாக உள்ளனர். தலைமறைவாக இருக்கும் அவர்கள் மூவரும் கைது செய்யப்பட்டால் அவர்களுக்கு எதிராக வழக்கு விசாரணை நடைபெறும் எனவும் நீதிமன்றம் தெரிவித்துள்ளது.

ஹைதராபாத் இரட்டை குண்டு வெடிப்பு வழக்கு: இருவருக்கு தூக்குத் தண்டனை

மாவட்ட செய்திகள்

சமீபத்திய செய்திகள்

தமிழர்களின் வீர விளையாட்டு; சிலம்பத்திற்கு ஒன்றிய அரசு அங்கீகாரம்!

தமிழர்களின் வீர விளையாட்டான சிலம்பம் அங்கீகரிக்கப்பட்ட விளையாட்டு பட்டியலில் இணைக்கப்பட்டு இருப்பதாக தமிழக விளையாட்டு மேம்பாட்டு துறை அமைச்சர் மெய்யநாதன் தெரிவித்துள்ளார். இது தொடர்பாக அவர்...

உள்ளாட்சி தேர்தல்; நாம் தமிழர் கட்சியின் முதற்கட்ட வேட்பாளர் பட்டியல் வெளியீடு!

வருகின்ற உள்ளாட்சி தேர்தலுக்கான முதற்கட்ட வேட்பாளர்கள் பட்டியலை நாம் தமிழர் கட்சி வெளியிட்டுள்ளது. தமிழகத்தில் புதிதாக பிரிக்கப்பட்ட 9 மாவட்டங்களுக்கு வரும் அக்.6 மற்றும் 9...

2ம் கட்ட மெகா தடுப்பூசி முகாம்; 15 லட்சம் பேருக்கு தடுப்பூசி செலுத்த இலக்கு!

தமிழகத்தில் இரண்டாம் கட்ட மெகா தடுப்பூசி முகாம் தொடங்கியது. 20 ஆயிரம் முகாம்களில் 15 லட்சம் பேருக்கு தடுப்பூசி செலுத்த இலக்கு நிர்ணயிக்கப்பட்டுள்ளது. தமிழகத்தில் கொரோனா...

காங்கிரஸ் எப்போதுமே பழங்குடியினரின் நலனை பற்றி பேசுகிறது.. ஆனால் எதையும் காங்கிரஸ் செய்யவில்லை… அமித் ஷா

காங்கிரஸ் எப்போதுமே பழங்குடியினரின் நலனை பற்றி பேசுகிறது. ஆனால் அவர்களின் நலன்களுக்காக எதையும் காங்கிரஸ் செய்யவில்லை என்று மத்திய உள்துறை அமைச்சர் அமித் ஷா குற்றம் சாட்டினார்.
TopTamilNews