Home சினிமா 'ஷூட்டிங் முடியும் வரை கேரவேனுக்கு கூட போகமாட்டாரு'.. நடிகர் சிம்பு பற்றிய அவதூறு குறித்து மனம் திறந்த இயக்குநர் சுரேஷ் காமாட்சி !

‘ஷூட்டிங் முடியும் வரை கேரவேனுக்கு கூட போகமாட்டாரு’.. நடிகர் சிம்பு பற்றிய அவதூறு குறித்து மனம் திறந்த இயக்குநர் சுரேஷ் காமாட்சி !

‘நடக்குமா நடக்காதா… இல்ல டிராப் ஆகிடுச்சு’… என்று மாநாடு படம் பற்றி கடந்த ஒரு வருடமாக ஏகப்பட்ட செய்திகள் வந்தது.

‘நடக்குமா நடக்காதா… இல்ல டிராப் ஆகிடுச்சு’… என்று மாநாடு படம் பற்றி கடந்த ஒரு வருடமாக ஏகப்பட்ட செய்திகள் வந்தது. ஒரு வழியாக தயாரிப்பாளர் சுரேஷ் காமாட்சியும் சிம்புவும் சமாதானமாகி தற்போது தொடர்ந்து சென்னையில் படப்பிடிப்பு நடந்து வருகிறது. சிம்பு ஆன் டைமுக்கு ஸ்பாட்டுக்கு வர்றதும்,சிங்கிள் டேக்கில் ‘ஷாட்’ ஓக்கே பண்றதுமாக இதுவரை பார்க்காத புது மனிதனாக மொத்த யூனிட்டும் ஆச்சர்யமாக பார்த்துக் கொண்டிருக்கிறார்கள்.

இந்த நேரத்தில் யாரோ ஒருவர் சிம்பு குறித்து அவதூறு செய்திகளைப் பரப்பத் தொடங்கியிருக்கிறார்கள் போல..! எப்போதும் துணிச்சலாகவும் வெளிப்படையாகவும் பேசக்கூடிய தயாரிப்பாளர் சுரேஷ் காமாச்சி,இந்த அவதூறு குறித்து கொடுத்த அறிக்கை அப்படியே கீழே…

ttn

“அனைத்து பத்திரிகை நண்பர்களிடமும் ரொம்ப நெருக்கமாக எனது குடும்பம் போலவுமே பழகி வருகிறேன். யாருடைய அழைப்பையும் தவிர்த்ததில்லை. மற்றவர்கள் தன் படம் பற்றி ஒளித்துவைக்கும் செய்திகளைக் கூட நான் ஒளித்து வைப்பதில்லை. அழைத்துக் கேட்டால் ஆமா, இல்லை… என்பதை உள்ளபடியே சொல்லிவிடுவேன். 

அதனால் என் படத்திற்கு சாதகமான விசயங்களே நடந்திருக்கின்றன. எனது பி.ஆர்.ஓவும் அப்படியே. செய்தியாளர்களின் முக்கியத்துவத்தை தவிர்த்ததே இல்லை. பெரிய படங்கள் செய்வது சாதாரணமல்ல. ஒருங்கிணைப்பு வேலைகள் அதிகம் இருக்கும். இதில் ஒரு சில சக நண்பர்களின் பொறாமைப் பார்வையும் இருக்கும். அப்படியான யாரோ ஒரு இன்ஃப்ளூயண்ஸ்ட் பெர்ஸன் நம் மாநாடு படத்தின் மீது வெறுப்பை உமிழ பத்திரிகைகளில் அவருக்கு இருக்கும் பலத்தைப் பயன்படுத்தி அவதூறு பரப்பி வருகிறார். 

ttn

ஒரு பத்திரிகையில் சிம்பு படப்பிடிப்பிற்கு 16வது நாளிலிருந்து தாமதமாக வருகிறார் என்ற செய்தியை வெளியிடுகிறது. என்ன ஒரு அபத்தம். அந்த செய்தி வெளியான அன்று படப்பிடிப்பே ஆறு நாட்கள்தான் நடந்து முடிந்திருந்தது. ஒருநாள் கூட சிம்பு தாமதமாக வரவில்லை. ஷுட்டிங் வராமல் தவிர்க்கவும் இல்லை. காட்சி படமாக்கி முடியும் வரை கேரவேனுக்கும் செல்வதில்லை. அங்கேயே குடையைப் பிடித்து நின்றுகொண்டு நடித்துக் கொடுக்கிறார். அப்படியிருக்கும்போது ரெண்டு கேரவேன் கேட்கிறார் எனவும் செய்தி வெளியிடுகிறார்கள். 

ttn

இன்னொரு பத்திரிகை சிம்பு ஹைதராபாத்துக்கு வர மறுத்துவிட்டார்னு ஒரு செய்தி போடுகிறார்கள். அப்போ நாளை மறுநாளிலிருந்து ஹைதராபாத்தில்தான் ஷூட்டிங் நடக்கப் போகிறது.. அப்போ சிம்பு இல்லாமலா ஷூட்டிங் எடுக்கப் போகிறோம்? இதெல்லாம் சின்ன செய்திதானே? கடந்து போங்கள் என சொல்லலாம். நாங்கள் சொந்தக் காசை வைத்து படம் பண்ணலை. வட்டிக்கு வாங்கி பண்றோம். 

ஒவ்வொரு தவறான செய்தியும் பணம் தருபவர்களைப் பதற்றத்திற்குள்ளாக்கும். வேக வேகமான இயக்குநர்… & டீம்,  காட்சிகளைப் புரிந்து நேரமெடுக்காமல் நேர்த்தியாக நடிக்கும் நடிகர்கள் என அருமையாக வடிவமைக்கப்பட்ட ஒரு குழு திறம்பட இயங்கிக் கொண்டிருக்கிறார்கள். 

tttn

உங்களின் மனதில் இன்னும் சேமிக்கப்பட்டிருக்கும் தவறான கடந்த கால அபிப்ராயங்களாக சிம்பு பற்றியவை இன்னும் இருந்தால் கண்ட்ரோல் ஆல் டெலிட் பட்டனை அமுக்குங்கள். அவரை தன்னியல்பான நடிகராக இயங்க விடுங்கள். தன் ரசிகர்களுக்காக உடல் எடையைக் குறைத்து தன்னை மாற்றிக் கொண்டு சினிமாவை நேசித்துச் செய்யும் மனிதனாக எங்களது படப்பிடிப்பு தளத்திற்கு வந்து செல்பவரைப் பற்றி இனியும் தவறான செய்திகள் வேண்டாம் நண்பர்களே. 

ttn

யாரையோ திருப்திபடுத்த முறையற்ற செய்திகள் வெளியிட வேண்டாம் என அன்போடு என் நண்பர்களைக் கேட்டுக் கொள்கிறேன். எதுவாக இருந்தாலும் எனக்கு அழையுங்கள். சரியானத் தகவல் தருகிறேன். அல்லது என் பத்திரிகை தொடர்பாளரிடம் கேளுங்கள். உங்களால் உயர்த்திவிடப்பட்ட ஒரு தயாரிப்பாளராகவே வலம் வர ஆசைப்படுகிறேன். கைகொடுத்து நில்லுங்கள். நன்றியோடு எப்போதும் இருப்பேன்.” என்று கூறியுள்ளார். 

மாவட்ட செய்திகள்

Most Popular

டெல்லி கேப்பிடல்ஸ் vs மும்பை இண்டியன்ஸ்! – முதலில் டெல்லி பேட்டிங்

ஐபிஎல் போட்டியில் இன்று இரண்டு போட்டிகள். ஐபிஎல் திருவிழாவில் நேற்றைய போட்டியில் அசத்தலான வெற்றியை ருசித்தது ராஜஸ்தான். இன்றைய போட்டி டெல்லி கேப்பிடல்ஸ் vs...

சனநாயகத்தைச் சாகடிக்கும் பச்சைப்படுகொலை… ஆளுநர் ஒப்புதல் கையெழுத்திட மறுக்கும் விவகாரத்தில் ஆவேசமாகும் சீமான்

தமிழகச் சட்டமன்றத்தில் தீர்மானம் நிறைவேற்றப்பட்டும் எழுவர் விடுதலையில் இன்னும் ஆளுநர் நடவடிக்கை எடுக்காததால் அதுகுறித்து நாம் தமிழர் கட்சியின் தலைமை ஒருங்கிணைப்பாளர் சீமான், மருத்துவப்படிப்பில் அரசுப்பள்ளி மாணவர்களுக்கு 7.5% இடஒதுக்கீடு...

பெங்களூரில் இருந்து கடத்திவந்த 600 கிலோ குட்கா பறிமுதல் – இருவர் கைது

சென்னை பெங்களூருவில் இருந்து சென்னைக்கு லாரியில் கடத்திவரப்பட்ட 6 லட்சம் ரூபாய் மதிப்பிலான குட்கா பொருட்களை பறிமுதல் செய்த போலீசார், இதுதொடர்பாக 2 பேரை பிடித்து...

தமிழகத்தில் இருந்து புதுச்சேரிக்கு அரசு பேருந்துகள் இயக்க அனுமதி!

தமிழகத்தில் இருந்து புதுச்சேரி, காரைக்காலுக்கு இ-பாஸ் இன்றி அரசு பேருந்துகள் இயக்க தமிழக அரசு அனுமதி அளித்துள்ளது. புதுச்சேரி...
Do NOT follow this link or you will be banned from the site!