Home சினிமா வலுக்கும் ராதாரவி - சின்மயி மோதல்: ராதாரவிக்கு 'டத்தோ’ பட்டம் கொடுக்கவே இல்லை; உண்மையை உடைத்த சின்மயி

வலுக்கும் ராதாரவி – சின்மயி மோதல்: ராதாரவிக்கு ‘டத்தோ’ பட்டம் கொடுக்கவே இல்லை; உண்மையை உடைத்த சின்மயி

நடிகர் ராதாரவி தனது பெயருக்கு முன்னால் போட்டுக்கொள்ளும் ‘டத்தோ’ பட்டமே பொய் என்று பாடகி சின்மயி குற்றச்சாட்டியுள்ளார்.

சென்னை: நடிகர் ராதாரவி தனது பெயருக்கு முன்னால் போட்டுக்கொள்ளும் ‘டத்தோ’ பட்டமே பொய் என்று பாடகி சின்மயி குற்றச்சாட்டியுள்ளார்.

மீ டூ  மூலம்  பின்னணி பாடகி சின்மயி, கவிஞர் வைரமுத்து மீது புகார் தெரிவித்ததிலிருந்து சின்மயியைப் பற்றி ராதாரவி விமர்சிப்பதும் அதற்கு சின்மயி பதிலடி கொடுப்பதும் வழக்கமானதாக இருந்து வருகிறது.இதையடுத்து சின்மயி டப்பிங் யூனியனிலிருந்து நீக்கப்பட்டது ராதாரவி – சின்மயி மோதலுக்கு இன்னும் கூடுதல் வழி வகுத்துள்ளது.

radharavi

இந்த நிலையில்தான், ராதாரவி தனது பெயருக்கு முன்னால் வைத்துக்கொள்கிற ‘டத்தோ’ பட்டம் பொய் என்று காட்டமாக பதிவிட்டுள்ளார்  சின்மயி.

இது குறித்து சின்மயி மலேசிய நாட்டின் மெலேகா மாநில அரசுக்கு எழுதிய கடிதத்துக்கு வந்த பதிலை தனது டிவிட்டர் பக்கத்தில் பகிர்ந்துள்ளார்.

அதில் இருப்பதாவது:

மதிப்பிற்குரிய சின்மயி ஸ்ரீபதா.

நான் ஏற்கெனவே,  மெலாகா அரசின் நிர்வாகத் துறையிடம் விளக்கம் கேட்டுவிட்டேன். அதன்படி ராதாரவி என்ற நடிகருக்கு அந்த மாநில அரசு எந்த விருதினையும் வழங்கவில்லை. அவரது பெயர் எங்களது அரசு ஆவணங்களில் இல்லை. அதுமட்டுமல்லாமல் இந்தியாவில் உள்ள நடிகர் ஷாருக் கானுக்கு மட்டுமே அந்த விருது வழங்கப்பட்டுள்ளது.

இந்தப் பிரச்சினையை நாங்கள் உன்னிப்பாக கவனிக்கிறோம். ஏனெனில் ராதாரவி இந்தப் பட்டத்தை தனது பெயருக்கு முன்னால் தவறாகப் பயன்படுத்தியிருக்கிறார். மெலாகா அரசின் முதல்வர் யாக் தவுன் ஹாஜி அடி பின்னிடம் இது குறித்து புகார் தெரிவித்து இதன் மீது நடவடிக்கையோ அல்லது தீர்வோ எட்டப்படும். இதைப் பற்றி எங்கள் கவனத்திற்குக் கொண்டு வந்ததற்கு மிகுந்த நன்றி.

பிரசாந்த் குமார் பிரகாசம்
மெலாகா முதல்வரின் பொது விவகாரத்துறைக்கான சிறப்புச் செயலர்.

இவ்வாறு அந்தக் கடிதத்தில் கூறப்பட்டுள்ளது.

 

 

இதை அம்பலப்படுத்தி மீண்டும் ராதாரவியை வம்புக்கிழுத்திருக்கிறார் சின்மயி. மலேசியாவில் வழங்கப்படும் ‘டத்தோ’ பட்டம் கவுரவமிக்கதாக கருதப்படுகிறது. முன்னதாக இந்திய அளவில் நடிகர்களில் ஷாருக் கானுக்கு இந்தப் ப‌ட்டம் வழங்கப்பட்டது குறிப்பிடத்தக்கது.

மாவட்ட செய்திகள்

Most Popular

“அவங்க சொன்னா மட்டும்தான் நான் களத்துல இறங்குவேன்” – ஓபிஎஸ் மகன் ஜெயபிரதீப் திட்டவட்டம்!

ஓபிஎஸ்ஸின் மூத்த மகன் நாடாளுமன்ற தேர்தலில் வெற்றிபெற்று அவர் வேறு ரூட்டில் போய்விட்டார். இளைய மகன் ஜெயபிரதீப் தமிழக அரசியல் ரூட்டில் தந்தையைப் போல் பயணிக்கவிருக்கிறார். அதற்கான வேலைகளிலும் மும்முரமாக...

பட்டா மாறுதலுக்கு ரூ.7 ஆயிரம் லஞ்சம் பெற்ற விஏஓ, உதவியாளர் கைது!

கோவை கோவை அருகே தனியார் நிறுவன ஊழியரிடம் பட்டா மாறுதலுக்கு ரூ.7 ஆயிரம் லஞ்சம் பெற்ற கிராம நிர்வாக அலுவலரை, லஞ்ச ஒழிப்புத்துறையினர் கைதுசெய்தனர்.

மீண்டும் அழைப்பு விடுத்த திமுக? ஏற்றுக்கொள்ளுமா காங்கிரஸ்?

இரண்டு கட்ட பேச்சுவார்த்தையிலும் உடன்பாடு எட்டாததால் மூன்றாம் கட்ட பேச்சுவார்த்தைக்கு வருமாறு காங்கிரசுக்கு திமுக அழைப்பு விடுத்திருக்கிறது. மூன்றாம் கட்ட பேச்சுவார்த்தை இன்று மாலையில் நடைபெற...

“1 கிலோ கேக் வாங்குங்க; 1 லிட்டர் பெட்ரோல் இலவசமாக வாங்கிட்டு போங்க”: அசத்தல் அறிவிப்பு

சர்வதேச சந்தையில் கச்சா எண்ணெய் விலையை பொறுத்தே எண்ணெய் நிறுவனங்கள் பெட்ரோல் மற்றும் டீசல் விலையை நிர்ணயிக்கின்றன. கொரோனா காலகட்டத்தில் கச்சா எண்ணெய் விலை குறைந்திருந்த போதும், இந்தியாவில் பெட்ரோல்...
TopTamilNews